పెబ్బేరు, వెలుగు : పట్టణంలోని ఓ ప్రైవేట్ స్కూల్ ఓనర్పై హత్యాయత్నం జరిగింది. పోలీసులు తెలిపిన వివరాల ప్రకారం.. నాగర్కర్నూల్ జిల్లా కోడేరు మండలం రాజాపురం గ్రామానికి చెందిన రాజేందర్ గౌడ్ అలియాస్ రాజు 15 ఏండ్లుగా పెబ్బేరులో ఉంటున్నాడు. పదేండ్ల నుంచి మాంటిస్సోరి స్కూల్ను నడిపిస్తున్నాడు. శనివారం అర్ధరాత్రి ఒంటి గంట ప్రాంతంలో స్కూల్లోని బెడ్రూమ్లో నిద్రిస్తుండగా, గుర్తు తెలియని వ్యక్తులు పదునైన ఆయుధంతో దాడి చేశారు.
రక్తపు మడుగులో పడి ఉన్న అతడిని కుటుంబ సభ్యులు పట్టణంలోని ఓ ప్రైవేట్ హాస్పిటల్కు తీసుకెళ్లగా, హైదరాబాద్కు తీసుకెళ్లాలని డాక్టర్లు సూచించారు. అంబులెన్స్లో సోమాజిగూడ యశోద హాస్పిటల్కు తరలించారు. వనపర్తి డీఎస్పీ వెంకటేశ్వర్లు, కొత్తకోట సీఐ రాంబాబు ఘటనా స్థలాన్ని పరిశీలించారు. ఘటనకు గల కారణాలపై స్కూల్లో పని చేసే వారిని అడిగి తెలుసుకున్నారు. క్లూస్ టీమ్తో ఆధారాలు సేకరించారు. కేసు నమోదు చేసి దర్యాప్తు చేస్తున్నట్లు ఎస్ఐ హరిప్రసాద్ రెడ్డి తెలిపారు.
