రాంచీ: జార్ఖండ్ అసెంబ్లీ ఎన్నికల ఫలితం నేడే తేలనున్నది. జేఎఎం నేతృత్వంలోని కూటమి తిరిగి అధికారం దక్కించుకుంటుందా? లేదా బీజేపీ నేతృత్వంలోని ఎన్డీయే సర్కారు ఈసారి కొలువుదీరుతుందా? అనే ఉత్కంఠ వీడనున్నది. రాష్ట్రంలో అసెంబ్లీ ఎన్నికల కౌంటింగ్కు అధికారులు అన్ని ఏర్పాట్లు పూర్తిచేశారు. ఉదయం 8 గంటలకు పోస్టల్ బ్యాలెట్ను లెక్కిస్తారు. అనంతరం 9 గంటలనుంచి ఒక్కో ఫలితం వెలువడనున్నది. కాగా, అన్ని కౌంటింగ్ కేంద్రాల వద్ద విస్తృతమైన ఏర్పాట్లు చేశామని, ప్రతి అసెంబ్లీ నియోజకవర్గానికి విడివిడిగా పరిశీలకులను నియమించామని ఎన్నికల సంఘం అధికారి తెలిపారు. పోస్టల్ బ్యాలెట్లను నిష్పక్షపాతంగా లెక్కించేందుకు ప్రతి టేబుల్కు ఏఆర్ఓ నేతృత్వం వహిస్తారని చెప్పారు. కౌంటింగ్లో పారదర్శకత పాటిస్తున్నామని, నిఘా మధ్య ఓట్ల లెక్కింపు జరుగుతుందన్నారు.
రికార్డు స్థాయిలో పోలింగ్
జార్ఖండ్లో నవంబర్13, 20న రెండు దశల్లో పోలింగ్జరిగింది. మొదటి దశలో 43 నియోజకవర్గాల్లో 81 సీట్లకు, రెండో దశలో 38 సీట్లకు ఓటింగ్ జరిగింది. ఈసారి రాష్ట్ర చరిత్రలోనే తొలిసారి అత్యధిక పోలింగ్ (67.74%) నమోదైంది. జేఎంఎం నేతృత్వంలోని ఇండియా కూటమి, బీజేపీ నేతృత్వంలోని ఎన్డీయే కూటమి హోరాహోరీగా తలపడ్డాయి.
అధికారం నిలబెట్టుకోవాలని జేఎంఎం, ఈసారి ఎలాగైనా జార్ఖండ్లో పాగా వెయ్యాలని బీజేపీ చూస్తున్నది. ఎన్డీయేనే ఈసారి అధికారం దక్కించుకుంటుందని మెజారిటీ ఎగ్జిట్ పోల్స్ అంచనావేయగా.. ఇండియా కూటమి అధికారం నిలబెట్టుకుంటుందని కొన్ని ఎగ్జిట్పోల్స్స్పష్టం చేశాయి. ఈ నేపథ్యంలో ఫలితాలపై ఉత్కంఠ నెలకొంది. కాగా, 2019 ఎన్నికల్లో జేఎంఎంకు 30 సీట్లురాగా, బీజేపీ 25 స్థానాల్లో గెలిచింది. కాంగ్రెస్, ఆర్జేడీతో జతకట్టిన జేఎఎం అధికారం చేపట్టింది.
