- కమ్యూనిటీ హాల్స్, గుళ్ల నిర్మాణాలకు నిధుల కేటాయింపులు
- నియోజకవర్గాలపై పట్టుకోసం పాకులాడుతున్న నేతలు
కామారెడ్డి, వెలుగు: అసెంబ్లీ ఎన్నికలు దగ్గరపడుతుండటంతో ఆయా పార్టీల నేతలు ఓటర్లను ఆకర్షించే పనిలో పడ్డారు ప్రధాన పార్టీల నుంచి పోటీకి రెడీ అవుతున్న ఆశవహులందరు కుల సంఘాల ఓట్లనే టార్గెట్ చేస్తున్నారు. జిల్లాలోని పలు నియోజక వర్గాల్లో కుల సంఘాల పెద్దలు అడిగిందే తడవుగా ఫండ్స్ రిలీజ్ చేస్తున్నరు. ముఖ్యంగా అధికార బీఆర్ఎస్ స్పెషల్ ఫండ్స్, ఎమ్మెల్యేలకు కేటాయించే సీడీసీ ఫండ్స్ నుంచి కమ్యూనిటీ హాల్స్, ప్రార్థన మందిరాల నిర్మాణానికి ఫండ్స్ శాంక్షన్ చేస్తోంది.
ఇదిలా ఉంటే బీజేపీ, కాంగ్రెస్ నుంచి పోటీకి రెడీ అయిన వాళ్లు కూడా కుల సంఘాల కోసం చందాలు ఇస్తున్నారు. దీనివల్ల వారి సామాజిక ఓట్లని ప్రభావితం చేయొచ్చని పలు పార్టీల లీడర్లు భావిస్తున్నారు. ప్రధానంగా కమ్యానిటీ హాల్స్, ఫంక్షన్ హాల్స్, కుల దేవతలకు ఆలయాల నిర్మాణం, చర్చిలు, మసీదుల కోసం ఫండ్స్ కేటాయిస్తున్నారు.
అదునుగా భావిస్తున్న జనాలు
పలు రాజకీయ పార్టీల నేతలు ఓట్ల కోసం ఫండ్స్ కేటాయిస్తుంటే జనాలు మాత్రం ఇదే అదనుగా భావించి వారి అవసరాలని తీర్చుకుంటున్నారు. ఇలాగైనా ఎంతో కొంత డెవలప్ జరుగుతుందని ఆశిస్తున్నారు. అందుకే ఓట్ల కోసం వచ్చిన నాయకులందరిని పలు నిర్మాణాలకు నిధులు కేటాయించాలని కోరుతున్నారు. కుల సంఘాల ద్వారా ఎన్నో కొన్ని ఓట్లని ప్రభావితం చేయొచ్చనే ఆలోచనతో నేతలు కూడా వారి కోరికల్ని అంగీకరిస్తున్నారు.
ALSO READ: మావోయిస్టులపై పోలీసుల స్పెషల్ ఫోకస్
కామారెడ్డి నియోజక వర్గంలో..
కామారెడ్డి నియోజక వర్గంలో వివిధ కుల సంఘాల కమ్యానిటీ హాల్స్, ప్రార్థన మందిరాల కోసం ఇటీవల ప్రభుత్వం భారీగా ఫండ్స్ శాంక్షన్ చేసింది. స్పెషల్ ఫండ్స్ దాదాపు రూ.15 కోట్లు శాంక్షన్ అయ్యాయి. ఇందులో రూ. 12 కోట్లకు పైగా బిల్డింగ్ల నిర్మాణం, కాంపౌండ్వాల్స్, టెంపుల్స్, మసీదులు, చర్చిల నిర్మాణానికి ఇచ్చారు. ఒక్కో సంఘానికి రూ. 3 లక్షల నుంచి రూ. 10 లక్షల వరకు కేటాయించారు. మిగతావి జీపీ బిల్డింగ్లు, Aస్కూల్స్ రిపేర్కు ఇచ్చారు.
ఇతర పార్టీల నేతలు కూడా..
బీజేపీ నేత కాటిపల్లి వెంకటమణరెడ్డి కూడా పలు సంఘాల బిల్డింగ్ నిర్మాణం చేయించారు. కాంగ్రెస్ పార్టీ నేత షబ్బీర్అలీ కూడా కుల సంఘాలకు, టెంపుల్స్కు చందాలు ఇస్తున్నారు. మరోవైపు ప్రతిపక్ష పార్టీల నేతలు చందాలు ఇస్తున్న తరుణంలో బీఆర్ఎస్ మరింత అలర్ట్ అయినట్లు తెలుస్తోంది. బాన్స్వాడ నియోజక వర్గంలో కూడా స్పెషల్ ఫండ్స్, ఎమ్మెల్యే కోటా ఫండ్స్తో కుల సంఘాలు, పంక్షన్ హాల్స్ నిర్మాణం చేశారు. ఎల్లారెడ్డి, జుక్కల్ నియోజక వర్గాల్లో కూడా ఎమ్మెల్యే కోటా ఫండ్స్ కమ్యూనిటీ హాల్స్కు కేటాయించారు.
