![20 ఏళ్లు మేమే అధికారంలో ఉంటాం... ఉపముఖ్యమంత్రి భట్టి](https://static.v6velugu.com/uploads/2024/07/assembly-session-dycm-bhatti-speech-here_O6hRe0NkU3.jpg)
గత బీఆర్ఎస్ ప్రభుత్వం పదేళ్లలో ఒక్క హామీని కూడా నెరవేర్చలేదని ఉపముఖ్యమంత్రి భట్టి విక్రమార్క అన్నారు. రాబోయే 20 ఏళ్లు కాంగ్రెస్ అధికారంలో ఉంటుందన్నారు. దేశం గర్వించేలా గురుకులాలను ఏర్పాటు చేస్తామన్నారు. గత ప్రభుత్వం అధికారంలో ఉన్న పదేళ్లు ఎస్సీ, ఎస్టీ నిధులు పక్కదారి పట్టించారన్నారు. ప్రతి నియోజకవర్గంలో అంబేథ్కర్ స్కిల్ డెవలప్ మెంట్ సెంటర్లు ఏర్పాటు చేస్తామని అసెంబ్లీ సాక్షిగా తెలిపారు.
త్వరలో స్పష్టమైన విద్యుత్ పాలసీని అమలు చేస్తామన్నారు. 2035 వరకు విద్యుత్ పాలసీని సిద్ధం చేశామని ఉపముఖ్యమంత్రి అన్నారు. వ్యవసాయానికి రూ. 72 కోట్లు కేటాయిస్తే.. దానిని బీఆర్ఎస్ నేతలు విమర్శిస్తున్నారు. ఇక ఎస్సీ, ఎస్టీల అభివృద్దికి రూ. 17 వేల 56 కోట్లు కేటాయించామన్నారు. హైదరబాద్ అభివృద్దికి 10 వేల కోట్ల రూపాయిలు కేటాయిస్తే.. దానిని కూడా బీఆర్ఎస్ నేతలు విమర్శిస్తున్నారని ఉపముఖ్యమంత్రి భట్టి అసెంబ్లీలో ప్రసంగించారు,
ప్రతి పేదవారికి ఇల్లు నిర్మించి ఇవ్వాలని కాంగ్రెస్ ప్రభుత్వం లక్ష్యం పెట్టుకుందన్నారు. 4.5 లక్షల ఇందిరమ్మ ఇండ్లను నిర్మిస్తామన్నారు. గ్యారంటీలను అమలు చేసేందుకు మంత్రులందరూ కష్టపడి చేస్తున్నారని అసెంబ్లీలో తెలిపారు. తెలంగాణలో మొదటిసారిగా స్కిల్ డెవలప్ మెంట్ యూనివర్శిటీకి రూపకల్పన చేశామన్నారు. రైతు భరోసాను అమలు చేసేందుకు విధి విధాలపై చర్చిస్తున్నామన్నారు. ప్రజాధనం వృథా కాకూడదనే.. రైతుల నుంచి సలహాలు తీసుకుంటున్నామన్నారు. గతంలో అనర్హులకు వేల కోట్లు రైతు బంధు ఇచ్చారన్నారు. గత బీఆర్ఎస్ ప్రభుత్వం ఒక్క హామీ కూడా నెరవేర్చలేదంటే.. కాంగ్రెస్ అధికారంలోకి వచ్చిన నాలుగు నెలలకే 65 వేల ఉద్యోగాలు ఇచ్చామన్నారు. కాంగ్రెస్ ప్రభుత్వం రాగానే ఉచిత బస్సు, గ్యాస్ సిలెండర్లు ఇస్తున్నామన్నారు. మార్చి 1 నుంచే ఉచిత విద్యుత్ పథకాన్ని అమలుచేస్తున్నామన్నారు.
రైతు భరోసాపై విపక్షాలు అడ్డగోలుగా విమర్శిస్తున్నాయని భట్టి అన్నారు. బడ్జెట్ లో అంకెలగారడీ ఏమీ లేదన్నారు, రైతు రుణమాఫీ గురించి కొందరు ఎగతాళి చేశారు... ఈ ఏడాది నుంచే రైతు కూలీలకు రూ. 12 వేలు ఇస్తామన్నారు. మా గ్యారంటీల సంగతి సరే.. పదేళ్లలో బీఆర్ఎస్ ఏంచేసిందో చెప్పాలన్నారు. మంజీరా నీళ్లు హైదరాబాద్కు కాంగ్రెస్ హయాంలోనే వచ్చాయన్నారు,. కాంగ్రెస్ ప్రభుత్వం అధికారంలోకి పదేళ్లు అయినట్లుగా విపక్ష నేతలు విష ప్రచారం చేస్తున్నారని భట్టి అన్నారు.