వికారాబాద్/చేవెళ్ల, వెలుగు: అన్ని వర్గాల అభివృద్ధి కాంగ్రెస్ పార్టీతోనే సాధ్యమని అసెంబ్లీ స్పీకర్ గడ్డం ప్రసాద్కుమార్ చెప్పారు. ఎన్నికల ప్రచారంలో భాగంగా చేవెళ్ల కాంగ్రెస్ఎంపీ అభ్యర్థి రంజిత్రెడ్డి మంగళవారం స్పీకర్గడ్డం ప్రసాద్తో కలిసి వికారాబాద్ నియోజకవర్గం మోమిన్పేట మండలం కేంద్రంలో రోడ్షో నిర్వహించారు.
అనంతరం నిర్వహించిన సమావేశంలో స్పీకర్ ప్రసాద్ కుమార్ మాట్లాడుతూ.. రంజిత్రెడ్డి గెలుపు కోసం ప్రతి కార్యకర్త సైనికుడిలా పనిచేయాలన్నారు. వికారాబాద్ నియోజకవర్గ అభివృద్ధికి ప్రభుత్వం రూ.500 కోట్లు మంజూరు చేసిందని చెప్పారు. ఆగస్టు 15వ తేదీ లోపు రైతు రుణమాఫీ చేస్తామని, మిగిలిన గ్యారంటీలను అమలు చేస్తామని తెలిపారు. రంజిత్రెడ్డి మాట్లాడుతూ.. బీజేపీకి ఓటేస్తే రాజ్యాంగాన్ని, రిజర్వేషన్లను రద్దు చేస్తుందని ఆందోళన వ్యక్తం చేశారు. భారీ మెజారిటీతో తనను గెలిపించాలని కోరారు. మాజీ ఎమ్మెల్సీ యాదవరెడ్డి, జీహెచ్ఎంసీ మాజీ మేయర్ బొంతు రామ్మోహన్ పాల్గొన్నారు. అలాగే రంజిత్రెడ్డికి మద్దతుగా ఆయన సతీమణి సీతారెడ్డి మంగళవారం చేవెళ్ల మండల పరిధిలోని ఆలూరు, వెంకన్నగూడ, కౌకుంట్ల, అంతారం గ్రామాల్లో ప్రచారం చేశారు.
