మహబూబ్నగర్ రూరల్, వెలుగు: సంతానం కలగడం లేదని మనస్తాపం చెంది మిషన్ భగీరథ అసిస్టెంట్ ఇంజినీర్ చెన్నారపు భరత్ కుమార్(37) మంగళవారం మహబూబ్నగర్ జిల్లా కేంద్రం మార్లు కాలనీలోని తన ఇంటిలో ఉరేసుకున్నారు. రూరల్ ఎస్సై వెంకటేశ్వర్లు తెలిపిన వివరాల ప్రకారం.. మహబూబ్నగర్ టీచర్స్ కాలనీకి చెందిన చెన్నారపు భరత్ కుమార్ మిడ్జిల్ మండలంలో ఉద్యోగం చేస్తున్నారు. చాలాకాలంగా సంతానం కలగకపోవడం వల్ల భార్యాభర్తలకు మనస్పర్థలు ఏర్పడి విడాకులు తీసుకున్నారు.
నాలుగు సంవత్సరాల కింద హైదరాబాద్కు చెందిన అమ్మాయితో రెండో పెండ్లి జరిగింది. పిల్లలు పుట్టడం లేదని దవాఖానాల చుట్టూ తిరిగారు. పిల్లలు పుట్టరని మనస్తాపం చెంది భరత్ సీలింగ్ ఫ్యానుకు ఉరేసుకున్నారు. మృతుడి తల్లి ఇచ్చిన ఫిర్యాదుతో పోలీసులు కేసు నమోదు చేసుకున్నారు.
