డిఫెన్స్ రీసెర్చ్ అండ్ డెవలప్మెంట్ ఆర్గనైజేషన్ అభివృద్ధి చేస్తోన్న ఎయిర్ టు ఎయిర్ మిస్సైల్అస్త్ర ఎంకే–3 పేరును గాండీవగా మార్చింది. గాండీవం మహాభారతంలోని అర్జునుడి ధనస్సు పేరు.
అస్త్ర ఎంకే–3 అనేది అస్త్ర క్షిపణి సిరీస్లో మూడోది. దీనిని అస్త్ర ఎంకే–1, ఎంకే–2 క్షిపణుల తర్వాత భారత్ డైనమిక్స్ లిమిటెడ్(బీడీఎల్)తో కలిసి డీఆర్ డీవో అభివృద్ధి చేస్తోంది.
ఇది వాతావరణంలో ఉండే ఆక్సిజన్ను ఆక్సీకరణ కారకంగా ఉపయోగించే అత్యాధునిక సాంకేతిక సాలిడ్ ఫ్యూయల్ డక్టెడ్ రామ్జెట్ ప్రొపల్షన్ సిస్టమ్ద్వారా పని చేస్తుంది.
ఇది 300–350 కిలోమీటర్ల పరిధి వరకు నిర్దేశిత లక్ష్యాలను ఛేదించగలదు. మాక్ 4.5 వరకు సూపర్ సోనిక్ వేగాన్ని తట్టుకోగలదు.
20 డిగ్రీల కోణంలో శత్రు యుద్ధ విమానాలను ఛేదించి దాడి చేయగలిగేలా దీనిని అభివృద్ధి చేస్తున్నది.
గాండీవ క్షిపణి 10 కి.మీ. స్నాప్అప్/ స్నాప్ డౌన్ సామర్థ్యాన్ని కలిగి ఉన్నది. ఇది ఫైరింగ్ విమానం కంటే ఎక్కువ లేదా తక్కువ ఎత్తులో నిర్దేశిత లక్ష్యాలను ఛేదించడానికి వీలు కల్పిస్తుంది.
అస్త్ర క్షిపణి
గగనతలం నుంచి గగనతలంలోకి ప్రయోగిచవచ్చు. స్వదేశీ పరిజ్ఞానంతో అభివృద్ధి చేసిన బియాండ్ విజువల్ రేంజ్ఎయిర్ టూ ఎయిర్ మిస్సైల్క్షిపణి పరిధి 80 కి.మీ.
సుఖోయ్ ఎస్యూ–30, తేలికపాటి తేజస్ యుద్ధ విమానాల్లో అస్త్ర క్షిపణులను వైమానిక దళం వినియోగిస్తుంది.
