జ్యోతిష్యం ప్రకారం... జ్యేష్ఠ పూర్ణిమ రోజు ( జూన్ 21) కుబేరుడు, లక్ష్మీదేవికి చాలా ఇష్టమైన రోజు. వీరి అనుగ్రహం లేకపోతే ఎంత సంపాదించినా ఉండదు. అయితే జ్యేష్ఠ పూర్ణిమ ఘడియల్లో మీ రాశిని బట్టి ఈ వస్తువులను దానం చేస్తే, లక్ష్మీదేవి, కుబేర స్వామి ఆశీస్సులు పొందొచ్చని జ్యోతిష్య నిపుణులు చెబుతున్నారు. ఈ సందర్భంగా జ్యేష్ఠ పూర్ణిమ వేళ ఏ రాశి వారు ఏయే వస్తువులను దానం చేయాలో ఇప్పుడు తెలుసుకుందాం...
హిందూ మత విశ్వాసాల ప్రకారం, జ్యేష్ఠ మాసంలో వచ్చే పౌర్ణమికి ఎంతో ప్రాముఖ్యత ఉంది. ఈ పవిత్రమైన రోజున చంద్రుడు తన 16 కళలతో నిండుగా ఉంటాడు. ఈ పర్వదినాన శ్రీ మహా విష్ణువు, లక్ష్మీదేవికి అంకితం ఇవ్వబడింది.
జ్యేష్ఠ పూర్ణిమ శుభ సమయం 2024
జ్యేష్ఠ మాసం పౌర్ణమి తిథి జూన్ 21, 2024 ఉదయం 6:01 గంటలకు ప్రారంభమవుతుంది. అదే సమయంలో ఈ తేదీ జూన్ 22, 2024 ఉదయం 5:07 గంటలకు ముగుస్తుంది. అటువంటి పరిస్థితిలో జూన్ 21వ తేదీ శుక్రవారం రోజున జ్యేష్ఠ పూర్ణిమను జరుపుకుంటారు. ఉపవాసం పూజ చేస్తారు. అలాగే పూర్ణిమ సందర్భంగా జూన్ 22వ తేదీ శనివారం స్నానమాచరించి దానం చేస్తారు.
Jyeshtha Purnima : జ్యేష్ఠ పూర్ణిమ పవిత్రమైన రోజున ప్రవహించే నదిలో స్నానం ఆచరించి శ్రీ మహావిష్ణువు, లక్ష్మీదేవి, కుబేర స్వామికి ప్రత్యేక పూజలు చేయడం ఆనవాయితీగా వస్తోంది. ఇలా చేయడం వల్ల తమ కోరికలన్నీ నెరవేరుతాయని చాలా మంది నమ్ముతారు. జ్యోతిష్యం ప్రకారం, జ్యేష్ఠ పూర్ణిమ రోజున పూజ అనంతరం మీ రాశిని బట్టి కొన్ని వస్తువులను తప్పనిసరిగా దానం చేయడం వల్ల డబ్బుకు లోటనేదే ఉండదని జ్యోతిష్య పండితులు చెబుతున్నారు. . ఈ సందర్భంగా ద్వాదశ రాశుల వారు ఏం దానం చేయాలనే ఆసక్తికరమైన విషయాలను ఇప్పుడు తెలుసుకుందాం...
- మేష రాశి: ఈ రాశి వారికి కుజుడు అధిపతి... జ్యేష్ఠ పూర్ణమి వేళ ఎరుపు రంగు దుస్తులు, పప్పు ధాన్యాలు , శనగలు తదితర వాటిని దానం చేయాలి.
- వృషభ రాశి: ఈ రాశి వారు జ్యేష్ఠ పూర్ణిమ వేళ పంచదార, వెన్న దానం చేయాలి. ఇలా చేయడం వల్ల శ్రీ విష్ణువు, లక్ష్మీదేవి అనుగ్రహం లభించనుంది.
- మిధున రాశి: ఈ రాశి వారు జ్యేష్ఠ పూర్ణిమ రోజున గోమాతకు పచ్చి గడ్డి దానం చేయాలి. గోశాలకు మీ సామర్థ్యం మేరకు విరాళం ఇవ్వాలి.
- కర్కాటక రాశి:ఈ రాశి వారు జ్యేష్ఠ పూర్ణిమ నాడు పాలు, పెరుగు, అన్నం, పంచదార తదితర వాటిని దానం చేయాలి.
- సింహ రాశి:ఈ రాశి వారు జ్యేష్ఠ పూర్ణిమ వేళ శ్రీ మహా విష్ణువు అనుగ్రహం పొందడానికి గోధుమలు, బెల్లం దానం చేయాలి.
- కన్య రాశి:జ్యేష్ఠ పూర్ణిమ వేళ ఈ రాశి వారు సీజనల్ పండ్లు, కూరగాయలు దానం చేయాలి.
- తులా రాశి:ఈ రాశి వారు జ్యేష్ఠ పూర్ణిమ రోజున తెల్లని వస్త్రాలను దానం చేయాలి. అలాగే పేదలకు అన్నదానం చేయాలి.
- వృశ్చిక రాశి:..ఈ రాశి వారు జ్యేష్ఠ పూర్ణిమ వేళ శ్రీ మహా విష్ణువు అనుగ్రహం పొందడానికి పాదచారులకు ఏదైనా పండ్ల రసాన్ని ఇవ్వాలి.
- ధనస్సు రాశి: ఈ రాశి వారు జ్యేష్ఠ పూర్ణిమ రోజున పేదలకు కుంకుమ కలిపిన పాలను పంచాలి.
- మకర రాశి:ఈ రాశి వారు జ్యేష్ఠ పూర్ణిమ వేళ గొడుగు, తోలు చెప్పులు, పాదరక్షలు దానం చేయాలి.
- కుంభ రాశి:ఈ రాశి వారు జ్యేష్ఠ పూర్ణిమ వేళ నల్ల నువ్వులు, నలుపు రంగు వస్త్రాలను దానం చేయాలి.
- మీన రాశి:ఈ రాశి వారు జ్యేష్ఠ పూర్ణిమ వేళ పసుపు వస్తువులు, పుస్తకాలు, తేనే తదితర వాటిని దానం చేయాలి. దీని వల్ల మీ జీవితంలో మంచి ప్రయోజనాలు చేకూరతాయి
