- అఫ్గానిస్తాన్లో ఘోర ప్రమాదం
కాబూల్: దక్షిణ అఫ్గానిస్తాన్‌‌‌‌‌‌‌‌లోని హెల్మండ్ ప్రావిన్స్‌‌‌‌‌‌‌‌లో ట్యాంకర్, బస్సు ఢీకొని 21 మంది మృతి చెందారు. ఆదివారం ఉదయం జరిగిన ఈ ప్రమాదంలో ఇంకో 38 మంది గాయపడినట్లు అధికారులు తెలిపారు. కాబూల్ వెళ్తున్న బస్సు.. కాందహార్ హైవే మీద ఓ బైక్ను ఢీకొంది.
ఆపై కంట్రోల్ తప్పి ఎదురుగా వస్తున్న ట్యాంకర్ను ఢీ కొట్టింది. దీంతో మంటలు చెలరేగి బైక్ మీదున్న ఇద్దరు, ట్యాంకర్లో ఉన్న ముగ్గురితోపాటు, బస్సులోని 16 మంది అక్కడికక్కడే ప్రాణాలు కోల్పోయారు. గాయాలపాలైన మరో 11 మంది పరిస్థితి సీరియస్గా ఉందని అధికారులు చెప్పారు.
