ముంబై: డీలిస్టింగ్ రూల్స్లో మార్పులను త్వరలో జరిగే బోర్డు మీటింగ్లో చర్చించనున్నట్లు సెబీ చైర్ పర్సన్ మాధబి పూరి బుచ్ గురువారం వెల్లడించారు. ఆ తర్వాత డిసెంబర్, జనవరి నెలల్లో జరిగే మీటింగ్లో ఇన్సైడర్ ట్రేడింగ్ రూల్స్ మార్పు అంశం సెబీ బోర్డు ముందుకు రానున్నట్లు తెలిపారు.
ఫిక్కి నిర్వహించిన ఒక ఈవెంట్లో మాధబి పూరి బుచ్ మాట్లాడారు. డీలిస్టింగ్ రూల్స్ను సెబీ మార్చదని కొంత మంది అనుకుంటున్నారని, అందులో నిజం లేదని చెబుతూ, ఈ అంశంపై ఒక కన్సల్టేషన్ పేపర్ రెడీ అయిందని బుచ్ స్పష్టం చేశారు. త్వరలో జరిగే బోర్డు మీటింగ్లో ఈ అంశం చర్చకు రానుందని వెల్లడించారు. ఇన్సైడర్ ట్రేడింగ్ రూల్స్లోనూ బోర్డు మార్పులు తేనుందని చెప్పారు.
ALSO READ: అచ్చంపేట కాంగ్రెస్ అభ్యర్థి పై దాడికి యత్నం
మార్పులు తేవడానికి ముందు డేటాను బ్యాక్ టెస్టింగ్ చేస్తున్నామని , సరైన డేటా ఎనాలిసిస్ చేయకుండా రూల్స్లో మార్పులను సెబీ తేవడం లేదన్నారు. ట్రేడింగ్ ప్లాట్ఫామ్స్లో టెక్నికల్ ప్రోబ్లమ్స్ ఎదురైనప్పుడు ఇన్వెస్టర్ నేరుగా ఎక్స్చేంజ్ వెబ్సైట్ను చేరుకోవచ్చన్నారు.
