అచ్చంపేట, వెలుగు: నాగర్ కర్నూల్ జిల్లా అచ్చంపేట ఆర్డీఓ ఆఫీస్ను సబ్ కలెక్టరేట్గా మారుస్తూ ప్రభుత్వం ఉత్తర్వులు జారీచేసింది. గత ప్రభుత్వంలో అచ్చంపేట నియోజకవర్గ కేంద్రాన్ని మున్సిపాలిటీ తర్వాత డివిజన్ కేంద్రంగా ప్రకటించింది. తాజాగా సబ్ కలెక్టర్ కార్యాలయంగా మార్చడంతో ప్రజలకు పరిపాలన మరింత చేరువ కానుంది .
అచ్చంపేట ఆర్డీఓ కార్యాలయాన్ని సబ్ కలెక్టర్ గా మారుస్తూ ప్రభుత్వం ఉత్తర్వులు జారీ చేసిందని, వారం రోజుల్లో ఐఏఎస్ అధికారి నియామకం జరిగే అవకాశం ఉందని అచ్చంపేట ఆర్డీఓ మాధవి తెలిపారు.
