క్రిమినల్స్‌‌ను పట్టుకునేందుకు క్లూస్, ఫోరెన్సిక్ డిపార్ట్‌‌మెంట్స్‌ ఎలా పనిచేస్తాయని చూపించే చిత్రం ‘అథర్వ’. కార్తీక్ రాజు, సిమ్రాన్ చౌదరి, ఐరా లీడ్‌ రోల్స్‌‌లో మహేష్ రెడ్డి దర్శకత్వంలో సుభాష్ నూతలపాటి నిర్మించారు. డిసెంబర్ 1న సినిమా విడుదల. ఈ నేపథ్యంలో పోలీస్ శాఖలోని క్లూస్, ఫోరెన్సిక్ విభాగంకు స్పెషల్ షో వేశారు.
అనంతరం స్టేట్ ఫోరెన్సిక్ సైన్స్ లేబరేటరీ అడిషనల్ డైరెక్టర్ డా.అనిత ఎవాంజెలిన్ మాట్లాడుతూ ‘పోలీస్ శాఖలో క్లూస్ టీమ్ ఎంత ప్రముఖమైనదో చూపించారు. మా అందరికీ ఓ నివాళిలా అనిపించింది. సినిమా పెద్ద విజయాన్ని సాధించాలి’ అని అన్నారు.
‘క్రైమ్ సీన్ ఆఫీసర్ అంటే అథర్వలో కార్తీక్ రాజులా ఉండాలనేలా చూపించారు. సినిమా తప్పకుండా విజయం సాధిస్తుంది’ అని హైద్రాబాద్ సిటీ పోలీస్, క్లూస్ జాయింట్ డైరెక్టర్ డా.వెంకన్న అన్నారు.
