- టీపీజీఎల్‌ క్వాలిఫయింగ్ రౌండ్‌‌‌‌‌‌‌‌లో టాప్‌ ప్లేస్‌‌‌‌‌‌‌‌తో క్వార్టర్స్‌‌‌‌‌‌‌‌కు క్వాలిఫై
హైదరాబాద్, వెలుగు : తెలంగాణ ప్రీమియర్ గోల్ఫ్ లీగ్ (టీపీజీఎల్‌) నాలుగో ఎడిషన్‌‌‌‌‌‌‌‌లో ఆటమ్ చార్జర్స్ జట్టు అదిరిపోయే పెర్ఫామెన్స్‌‌‌‌‌‌‌‌తో ట్రోఫీ దిశగా ముందుకెళ్తోంది. 16 జట్లు పోటీ పడ్డ క్వాలిఫికేషన్ రౌండ్‌‌‌‌‌‌‌‌లో ఆటమ్ 959 పాయింట్లతో ఓవరాల్‌‌‌‌‌‌‌‌గా టాప్‌ ప్లేస్‌ కైవసం చేసుకొని నాకౌట్‌ రౌండ్‌‌‌‌‌‌‌‌కు దూసుకెళ్లింది.హైదరాబాద్ గోల్ఫ్ అసోసియేషన్ నిర్వహిస్తున్న ఈ లీగ్‌‌‌‌‌‌‌‌లో వరుసగా మూడు రౌండ్లలో టాప్‌ లేపిన ఆటమ్ చార్జర్స్ సింగిల్స్‌ ఫార్మాట్‌‌‌‌‌‌‌‌లోనూ అగ్రస్థానం సాధించింది.
ఐదో రౌండ్‌‌‌‌‌‌‌‌లో అందరికంటే ఎక్కువగా 260 పాయింట్లు కైవసం చేసుకుంది. జగన్‌ వొంటేల, గౌరవ్ అహ్లువాలియా చెరో 36 పాయింట్లతో రాణించారు. కెప్టెన్‌ భూషణ్ బైరాగని, మధుకర్ పేరాల చెరో 34 పాయింట్లతో సత్తా చాటారు. మోస్ట్‌ వాల్యూబుల్ ప్లేయర్‌ కోసం పోటీ పడుతున్న గౌరవ్, భూషణ్ 2, 3వ స్థానాల్లో ఉన్నారు. మొత్తంగా క్వాలిఫయింగ్ రౌండ్‌‌‌‌‌‌‌‌లో సింగిల్స్‌, డబుల్స్‌ మ్యాచ్‌‌‌‌‌‌‌‌ల్లో ఆటమ్ చార్జర్స్ జట్టు గోల్ఫర్లు అదరగొట్టారు. ఈ నెల 26న జరిగే క్వార్టర్ ఫైనల్‌‌‌‌‌‌‌‌పై ఫోకస్ పెట్టిన ఆటమ్ చార్జర్స్‌‌‌‌‌‌‌‌ను టీమ్ ఓనర్లు వివేక్ వెంకటస్వామి, సరోజ గడ్డం అభినందించారు.
