భోపాల్‌: మధ్యప్రదేశ్‌‌‌‌లో వేర్వేరు చోట్ల ఇద్దరు మహిళలపై అత్యాచారం జరిగింది. కొత్తగా పెళ్లైన యువతిపై కొందరు అత్యాచారానికి పాల్పడ్డగా.. మరో ఘటనలో మతిస్థిమితం సరిగా లేని మహిళను యువకుడు రేప్ చేశాడు. కొత్తగా పెళ్లయిన యువతి తన భర్తతో కలిసి సోమవారం రాత్రి రేవాలోని పిక్నిక్ స్పాట్‌‌‌‌కు వెళ్లగా ఐదుగురు వ్యక్తులు వచ్చి గొడవపడ్డారు. భర్తను చెట్టుకు కట్టేసి యువతిపై అత్యాచారానికి పాల్పడ్డారు.
బాధితురాలి ఫిర్యాదుతో పోలీసులు కేసు దర్యాప్తు చేస్తున్నారు. ఈ ఘటనలో ఇప్పటివరకు దాదాపు వంద మందిని ప్రశ్నించారు. మరో ఘటనలో.. మతిస్థిమితం లేని మహిళపై ఇండోర్‌‌‌‌లో అత్యాచారం జరిగింది. సోమవారం రాత్రి రోడ్డుపై నడిచి వెళ్తున్న మహిళను ఓ యువకుడు వెంట తీసుకెళ్లి అత్యాచారానికి పాల్పడ్డాడు. బాధిత మహిళను పెట్రోలింగ్ పోలీసులు గమనించి హాస్పిటల్‌‌‌‌కు తరలించారు. సీసీటీవీ ఫుటేజ్‌‌‌‌ను పరిశీలించి యువకుడిని అదుపులోకి తీసుకున్నారు.
