- ఇరాన్ ఆర్మీకి ఆ దేశ సుప్రీం లీడర్ ఖమేనీ ఆర్డర్స్
- హనియా హత్యకు ప్రతీకారంగానే దాడులకు ఆదేశాలు
టెహ్రాన్: హమాస్ చీఫ్ ఇస్మాయిల్ హనియా హత్యకు ప్రతీకారంగా ఇజ్రాయెల్పై ప్రత్యక్ష దాడులు చేయాలని ఇరాన్ సుప్రీం లీడర్ అయతుల్లా అలీ ఖమేనీ ఆ దేశ ఆర్మీకి ఆదేశాలు జారీ చేసినట్టు తెలిసింది. ఈ అంశా న్ని ముగ్గురు ఇరాన్ అధికారులతో పాటు ఇద్దరు రెవల్యూషనరీ గార్డ్స్ కూడా కన్ఫర్మ్ చేశారని న్యూయార్క్ టైమ్స్ వెల్లడించింది.
బుధవారం హనియా హత్య జరి గిన కొద్ది సేపటికే నేషనల్ సెక్యూరిటీ కౌన్సిల్ ఎమర్జెన్సీ మీటింగ్ నిర్వహించి. ఇజ్రాయెల్పై దాడి చేయాలని సైన్యానికి ఆదేశాలు ఇచ్చినట్టు తెలిసింది. ఇప్పటికే ఇజ్రాయెల్, హైఫా సమీపంలోని సైనిక లక్ష్యాలపై డ్రోన్లు, క్షిపణులతో దాడికి ప్రయత్నాలు చేస్తున్నట్టు ఇరాన్ సైనిక కమాండర్లు తెలిపారు. ఇదిలా ఉండగా.. మిడిల్ ఈస్ట్‌‌లో పెరుగుతున్న ఉద్రిక్తతల నేపథ్యంలో లెబనాన్‌‌లోని ఇండియన్స్ ఆ దేశం విడిచి వెళ్లాలని భారత రాయబార కార్యాలయం సూచించింది. అత్యవసరమైతే బీరూట్‌‌లోని భారత ఎంబసిని సంప్రదించాలని గురువారం ఓ ప్రకటనలో తెలిపింది.
