జీడిమెట్ల, వెలుగు: స్నేహితుడితో కూర్చుని మద్యం తాగిన ఓ యువకుడు.. పాత గొడవలను గుర్తుచేసుకొని మరోసారి ఘర్షణకు దిగాడు. అతడిపై కత్తితో దాడి చేసి పరారయ్యాడు. పేట్ బషీరాబాద్పీఎస్ పరిధిలోని జీడిమెట్లకు చెందిన బాలపోగు ప్రేమ్, జాషువా అలియాస్ బన్నీ ఇద్దరు స్నేహితులు. ఆదివారం అర్ధరాత్రి కలిసి మద్యం తాగారు.
గతంలో ఇద్దరి మధ్య జరిగిన గొడవలు గుర్తుచేసుకుని గొడవపడ్డారు. ఈ క్రమంలో బన్నీ కోపంతో తన వెంట తెచ్చుకున్న కూరగాయలు కోసే కత్తితో ప్రేమ్పై దాడి చేశాడు. కడుపులో, కుడి చేతిపై పొడిచి పరారయ్యాడు. గమనించిన స్థానికులు వెంటనే బాధితుడిని సమీప హాస్పిటల్కు తరలించారు. ప్రస్తుతం ప్రేమ్పరిస్థితి నిలకడగా ఉందని వైద్యులు తెలిపారు. ఘటనపై పోలీసులు కేసు నమోదు చేసి, నిందితుడి కోసం గాలిస్తున్నారు.
