హైదరాబాద్, వెలుగు: అరబిందో ఫార్మా నికర లాభం జూన్ 2023 క్వార్టర్లో 22.5 శాతం తగ్గి రూ. 540 కోట్లకు పడిపోయింది. అంతకు ముందు ఏడాది క్యూ1 లో కంపెనీకి రూ. 698 కోట్ల నికర లాభం వచ్చింది. రెవెన్యూ మాత్రం అంతకు ముందు ఏడాది క్యూ 1 తో పోలిస్తే తాజా క్యూ1 లో 10 శాతం పెరిగి రూ. 6,851 కోట్లకు ఎగసింది. అమెరికా, యూరప్ ఫార్ములేషన్స్, ఏపీఐ బిజినెస్ జోరు వల్లే రెవెన్యూ రెండంకెల గ్రోత్ సాధించినట్లు అరబిందో పార్మా వెల్లడించింది. తాజా జూన్ క్వార్టర్లో ఇబిటా 23 శాతం ఎక్కువై రూ. 1,151 కోట్లుగా రికార్డయింది. ఇదే కాలానికి ఇబిటా మార్జిన్ కూడా మెరుగుపడి 16.8 శాతానికి చేరింది. ఆర్‌ అండ్ డీ ఖర్చు రూ. 388 కోట్లుగా ఉంది.
