ఐపీఎల్-2025 సీజన్ కోసం ఆటగాళ్ల మెగా వేలం ప్రారంభమైంది. సౌదీ అరేబియాలోని జెడ్డా వేదికగా ఈ ఆక్షన్ కొనసాగుతోంది. తమకు కావాల్సిన ఆటగాళ్ల కోసం ఫ్రాంచైజీలు హోరా హోరీగా తలపడుతున్నాయి. ఈ క్రమంలోనే వేలంలోకి వచ్చిన ఆస్ట్రేలియా స్టార్ పేసర్ మిచెల్ స్టార్క్ గత సీజన్ అంచనాలను అందుకోవడంలో విఫలమయ్యాడు.
రూ.2 కోట్ల బేస్ ప్రైజ్తో ఆక్షన్లోకి వచ్చిన మిచెల్ స్టార్క్ను ఢిల్లీ క్యాపిటల్స్ రూ.11.75 కోట్ల తక్కువ ధరకే దక్కించుకుంది. స్టార్క్ కోసం ఆర్సీబీ, కేకేఆర్ పోటీ పడగా.. చివరకు ఢిల్లీ క్యాపిటల్స్ ఆసీస్ పేసర్ను కైవసం చేసుకుంది. దీంతో మిచెల్ స్టార్క్ వేతనంలో భారీ కోత పడింది. గత సీజన్లో రూ.24.75 కోట్లకు కేకేఆర్ స్టార్క్ను కొనుగోలు చేయగా.. నెక్ట్స్ సీజన్ కోసం స్టార్క్ను ఢిల్లీ రూ.11.75 కోట్ల తక్కువ ధరకే కొనుగోలు చేసింది.
గత సీజన్తో పోలిస్తే నెక్ట్స్ ఎడిషన్కు స్టార్క్ ఏకంగా రూ.13 కోట్లు కోల్పోయాడు. స్టార్క్ ధర దాదాపు 50 శాతానికి పైగా తగ్గింది. గత సీజన్లో ఐపీఎల్లోనే అత్యంత ఎక్కువ ధరకు అమ్ముడైన ఆటగాడిగా నిలిచిన స్టార్క్.. అంచనాల మేర రాణించలేదు. సీజన్ ఫస్టాఫ్లో పూర్తిగా తేలియిపోయిన స్టార్క్.. చివర్లో కాస్త రాణించాడు. నెక్ట్స్ సీజన్కు స్టార్క్పై నమ్మకం వదులుకున్న కేకేఆర్ అతడిని రిటైన్ చేసుకోకుండా వేలానికి వదిలేసింది. దీంతో స్టార్క్ మెగా వేలంలోకి వచ్చాడు. ఆక్షన్లో కూడా స్టార్క్ కోసం ప్రాంచైజ్లు పెద్దగా ఆసక్తి చూపలేదు.
