వరల్డ్ కప్ ముగిసిన కొన్ని రోజులకే టీమిండియా ఆస్ట్రేలియాతో టీ 20 సిరీస్ ఆడనుంది. నవంబర్ 19 న వరల్డ్ కప్ ముగుస్తుంది. ఆ తర్వాత నవంబర్ 23 నుంచి కంగారులతో 5 టీ 20 ల సిరీస్ ప్రారంభమవుతుంది. ఈ సిరీస్ కు సంబంధిచిన షెడ్యూల్, వేదికలను ఇదివరకే ప్రకటించగా.. తాజాగా ఆస్ట్రేలియా క్రికెట్ 14 మంది స్క్వాడ్ ను ప్రకటించింది. వికెట్ కీపర్-బ్యాటర్ మాథ్యూ వేడ్‌ను కెప్టెన్‌గా నియమించారు.
Also Read :- ఆసీస్ ఓపెనర్లు విధ్వంసం
రెగ్యులర్ కెప్టెన్, పాట్ కమిన్స్, తో పాటు ఫాస్ట్ బౌలర్లు మిచెల్ స్టార్క్, జోష్ హేజిల్‌వుడ్ కు ఈ సిరీస్ విశ్రాంతిని ఇచ్చారు. వచ్చే ఏడాది జూన్ లో టీ 20 వరల్డ్ ఉండడంతో ఈ సిరీస్ ను ఆస్ట్రేలియా సీరియస్ గా తీసుకున్నట్లు తెలుస్తుంది. స్టీవ్ స్మిత్, డేవిడ్ వార్నర్ లాంటి సీనియర్ ప్లేయర్లను ఈ సిరీస్ కు సెలక్ట్ చేశారు. గత కొంతకాలంగా తీరిక లేని క్రికెట్ ఆడుతున్న మార్ష్, జంపాలకు రెస్ట్ ఇచ్చారు నవంబర్ 23 నుంచి ప్రారంభం కానున్న ఈ టోర్నీ డిసెంబర్ 3 వరకు జరుగుతుంది.
