మెల్‌‌‌‌బోర్న్‌: మిచెల్ స్టార్క్‌ (3/33) సూపర్ బౌలింగ్‌‌‌‌కు తోడు కెప్టెన్ పాట్ కమిన్స్‌ (2/39; 32 నాటౌట్‌) ఆల్‌‌‌‌రౌండ్ పెర్ఫామెన్స్‌‌‌‌తో సత్తా చాటడంతో పాకిస్తాన్‌‌‌‌తో తొలి వన్డేలో ఆస్ట్రేలియా 2 వికెట్ల తేడాతో గెలిచింది. మూడు మ్యాచ్‌‌‌‌ల సిరీస్‌‌‌‌లో 1–0తో ఆధిక్యం సాధించింది. సోమవారం జరిగిన ఈ మ్యాచ్‌‌‌‌లో టాస్‌ ఓడి బ్యాటింగ్‌‌‌‌కు వచ్చిన పాక్‌ 46.4 ఓవర్లలో 203 రన్స్‌‌‌‌కు ఆలౌటైంది. కెప్టెన్ రిజ్వాన్ (44), నసీమ్ షా (40), బాబర్ ఆజమ్ (37) మాత్రమే రాణించారు. అనంతరం ఆసీస్ 33.3 ఓవర్లలో 204/8 స్కోరు చేసి గెలిచింది. జోష్‌ ఇంగ్లిస్ (49), స్టీవ్ స్మిత్ (44)తో పాటు చివర్లో కమిన్స్‌ మెరుపు ఇన్నింగ్స్‌‌‌‌తో జట్టుకు విజయం అందించాడు. స్టార్క్‌‌‌‌కు ప్లేయర్ ఆఫ్ ద మ్యాచ్ అవార్డు లభించింది.
