David Warner: టాలీవుడ్ ప్రముఖ హీరో నితిన్ "రాబిన్ హూడ్" అనే సినిమాలో హీరోగా నటిస్తున్నాడు. ఈ సినిమాకి గతంలో నితిన్ తో భీష్మ సినిమా తో మంచి హిట్ ఇచ్చిన డైరెక్టర్ వెంకీ కుడుముల దర్శకత్వం వహిస్తున్నాడు. రాబిన్ హూడ్ సినిమాలో నితిన్ కి జోడీగా ప్రముఖ హీరోయిన్ శ్రీలీల హీరోయిన్ గా నటిస్తోంది.
యాక్షన్ థ్రిల్లర్ బ్యాక్ డ్రాప్ లో తెరకెక్కిన ఈ సినిమా ఇటీవలే చివరి షెడ్యూల్ షూటింగ్ పూర్తి చేసుకుంది. దీంతో డిసెంబర్ 25 న క్రిస్మస్ పండుగ కానుకగా రిలీజ్ కాబోతోంది. ప్రమోషన్స్ లో భాగంగా ఈ రోజు రాబిన్ హుడ్ సినిమా యూనిట్ ప్రెస్ మీట్ లో పాల్గొన్నారు. ఇందులోభాగంగా పలువురు రిపోర్టర్లు అడిగిన ప్రశ్నలకి సమాధానం ఇచ్చారు.
ఈ క్రమంలో ఓ రిపోర్టర్ ఆస్ట్రేలియా ప్రముఖ క్రికెటర్ డేవిడ్ వార్నర్ కూడా రాబిన్ హుడ్ సినిమాలో చిన్నపాటి కామయో పాత్ర చేస్తున్నాడని పలు వార్తలు వినిపిస్తున్నాయని దీనిపై మీ స్పందన ఏమిటని అడిగాడు. దీంతో డైరెక్టర్ వెంకీ కుడుముల ఈ విషయంపై స్పందిస్తూ ఈ విషయం గురించి సమయం వచ్చినప్పుడు రివీల్ చేస్తామని అన్నాడు. ఇక ఇదే విషయంపై హీరోయిన్ శ్రీలీల స్పందిస్తూ తెలియదు, గుర్తు లేదు అంటూ ఫన్నీగా ఆన్సర్ ఇచ్చింది.
ఇక మరో రిపోర్టర్ సినిమా ట్రైలర్ ని బట్టి చూస్తే ఉన్నోళ్ళ దగ్గర డబ్బు కొట్టేసి పేదోళ్ల కి పంచే కాన్సెప్ట్ లా ఉందని అలాగే ఇప్పటికే ఈ జోనర్ లో పలు సినిమాలు వచ్చాయని మళ్ళీ ఈ సినిమాని ఆడియన్స్ ఆదరిస్తారా అని అడిగాడు. దీంతో నితిన్ ఈ విషయంపై స్పందిస్తూ ఈ సినిమా కూడా ఓల్డ్ కాన్సెప్ట్ అని కానీ కొత్తగా కమర్షియల్ ఎలిమెంట్స్ యాడ్ చేసి డిఫరెంట్ గా చూపించబోతున్నామని కచ్చితంగా ఆడియన్స్ కి నచ్చుతుందని ధీమా వ్యక్తం చేశాడు.
Me : #RobinHood లో David Warner Cameo ఎలా ఉండబోతుంది ?
— Rajesh Manne (@rajeshmanne1) November 27, 2024
Director @VenkyKudumula : Time వచ్చినప్పుడు reveal చేస్తాం. pic.twitter.com/BxQOTylm54
