- క్వారీ గుంతలో దూకి యువకుడు..
గచ్చిబౌలి, వెలుగు: గచ్చిబౌలిలో రెండు రోజుల కిందట కనిపించకుండపోయిన యువకుడి మృతదేహం క్వారీ గుంతలో లభ్యమైంది. క్వారీ గుంతలో దూకి యువకుడు ఆత్మహత్య చేసుకున్నట్లు పోలీసులు తెలిపారు. గచ్చిబౌలి పీఎస్ పరిధిలోని మజీద్ బండలో నివాసం ఉంటున్న కన్నేటి దుర్గాప్రసాద్(21) ప్రైవేటు ఉద్యోగి. డ్యూటీ సక్రమంగా చేయడం లేదని కొన్ని రోజుల క్రితం ఉద్యోగం నుంచి తొలగించారు.
దీంతో అతని తల్లి మందలించడంతో మనస్తాపానికి గురైన దుర్గాప్రసాద్ ఈ నెల 7న క్వారీ గుంతలో దూకి ఆత్మహత్య చేసుకున్నాడని పోలీసులు తెలిపారు. మరోచోట అప్పుల బాధ తాళలేక ఆటో డ్రైవర్ ఉరేసుకున్నాడు. గచ్చిబౌలి పరిధిలోని గోపన్ పల్లి ఎన్టీఆర్ నగర్చెందినకు ఆటో డ్రైవర్ పత్తావత్ శ్రీను(24)కు భార్య, ఇద్దరు కొడుకులు ఉన్నారు. జల్సాల కోసం శ్రీను భారీగా అప్పులు చేశాడు. డబ్బులు తిరిగిచ్చేయాలని అప్పులు ఇచ్చిన వారు ఒత్తిడి చేయడంతో ఆదివారం ఇంట్లో ఫ్యాన్కు ఉరేసుకొని ఆత్మహత్య చేసుకున్నాడు.
టేకు చెట్టుకు ఉరేసుకుని మరొకరు..
ఇబ్రహీంపట్నం: నాదర్గుల్సమీపంలోనూ ఓ గుర్తు తెలియని యువకుడు చెట్టుకు టేకు ఉరేసుకొని అనుమానాస్పదస్థితిలో మృతి చెందాడు. నిర్మానుష్య ప్రదేశంలో యువకుడి డెబ్బాడీని స్థానికులు గుర్తించి పోలీసులకు సమాచారం ఇచ్చారు. దీంతో పోలీసులు కేసు నమోదు చేసి దర్యాప్తు చేస్తున్నారు.
