ఇతను ఆషామాషీ వ్యక్తి కాదు.. ప్రఖ్యాత బ్రెజిలియన్ ఆటో ఇన్‌ఫ్లుయెన్సర్.. కోట్ల రూపాయల విలువైన విలాసవంతమైన కొత్త కొత్త కార్లకు రివ్యూలు చెప్తూ ఆకట్టుకుంటుంటాడు. కాకపోతే, అతనికో ఫ్యాషన్ ఉంది.. తరచుగా శరీరంపై టాటూస్ వేయించుకోవడం అతనికి అలవాటు. ఆ ప్రయత్నంలోనే ఒంటిపై టాటు వేపించుకుంటుండగా.. అనస్థీషియా మత్తుతో గుండెపోటుతో ప్రాణాలు కోల్పోయాడు.
బ్రెజిలియన్ ఆటో ఇన్‌ఫ్లుయెన్సర్ రికార్డో గోడోయ్ అనస్థీషియాలో మత్తులో ప్రాణాలు వదిలినట్లు వైద్యులు నిర్ధారించారు. గోడోయ్ తన వీపు మొత్తానికి పచ్చబొట్టు వేయించుకుంటుండగా ఈ ఘటన జరిగింది. టాటూ వేసే సమయంలో నొప్పి లేకుండా ఉండేందుకు అతనికి అనస్థీషియా ఇచ్చారు. ఆ మత్తు పనిచేయడం ప్రారంభించిన కొద్దిసేపటికే అతను కార్డియాక్ అరెస్ట్‌కు గురయ్యాడు. హుటాహుటీన అతన్ని ఆస్పత్రికి తరలించినప్పటికీ, ఫలితం దక్కలేదు. అప్పటికే అతను మరణించినట్లు వైద్యులు ధ్రువీకరించారు.
ALSO READ | అమెరికాలో వెతికి మరీ 500 మంది అరెస్ట్: ఆపరేషన్ ట్రంప్ మొదలైపోయింది..!
గోడోయ్‌కి ఇన్‌స్టాగ్రామ్ లో 225,000 మంది ఫాలోవర్లు ఉన్నారు. అతని మరణవార్త తెలిసి వారంతా విషాదంలో మునిగిపోయారు.
