యూట్యూబ్.. కంటెంట్ క్రియేటర్ల కోసం కొత్త ఫీచర్ తీసుకొచ్చింది. దీంతో ఇక క్రియేటర్లకు బాగా సంపాదించుకోవచ్చట! ఇంతకీ ఈ ఫీచర్ ఏంటి? ఎలా పనిచేస్తుంది?
కంటెంట్ క్రియేటర్లకు ఆదాయం పెంచేందుకు ‘షాపింగ్ ప్రోగ్రామ్’ను మొదలుపెట్టింది. దీనిద్వారా అర్హులైన క్రియేటర్లు తమ వీడియోలు, షార్ట్లతోపాటు లైవ్ స్ట్రీమ్లలోనూ ఈ ఫీచర్ వాడొచ్చు. ఆ వీడియోలకు ప్రొడక్ట్లను ట్యాగ్ చేసి, సంపాదించుకోవచ్చు. అందుకోసం ఇ–కామర్స్ ప్లాట్ఫామ్స్ ఫ్లిప్ కార్ట్, మింత్రాతో పార్ట్నర్షిప్ కుదుర్చుకుంది యూట్యూబ్.
ఇప్పటికే ఈ ఫీచర్ దక్షిణ కొరియా, అమెరికా లాంటి దేశాల్లో గతంలోనే అందుబాటులోకి వచ్చింది. ఇప్పుడు భారత్లోనూ లాంచ్ చేసింది. షాపింగ్ ప్రోగ్రామ్ ఫీచర్ని ఎనేబుల్ చేసుకునేందుకు వీడియో క్రియేటర్లు ముందుగా యూట్యూబ్ షాపింగ్లో సైనప్ అవ్వాలి. అప్లికేషన్ ప్రాసెస్ పూర్తయ్యాక ఈ ఫీచర్ని యాక్సెస్ చేయొచ్చు. అప్లోడ్ చేసే వీడియోలు, షార్ట్లు, లైవ్ స్ట్రీమ్లలో ప్రొడక్ట్లను ట్యాగ్ చేయొచ్చు. యూజర్లు పక్కనే ఉన్న షాపింగ్ సింబల్పై క్లిక్ చేస్తే.. ఆ ప్రొడక్ట్ వివరాలు కనిపిస్తాయి. వేరే బ్రౌజర్ పేజ్కు వెళ్లాల్సిన పనిలేకుండా అక్కడే ఐటమ్ డీటెయిల్స్ కనిపిస్తాయి కాబట్టి నచ్చిన వాటిని పిన్ చేయొచ్చు.
అయితే ఈ ఫీచర్ వాడాలంటే 10 వేలమంది సబ్స్క్రయిబర్లు ఉండాలి. మ్యూజిక్ ఛానెల్స్, పిల్లల కోసం ఛానెల్స్ రన్ చేసేవాళ్లకు మాత్రం ఈ ఫీచర్
అందుబాటులో ఉండదని యూట్యూబ్ తెలిపింది. ప్రమోట్ చేసిన ప్రొడక్ట్లను యూజర్లు కొంటే.. క్రియేటర్లకు కమిషన్ వస్తుంది. ఐటమ్స్ ట్యాగ్ చేసే టైంలో కమిషన్ డిటెయిల్స్ కూడా తెలుసుకోవచ్చు. ఒక వీడియోకు దాదాపు 30 ఐటమ్స్ ట్యాగ్ చేసుకోవచ్చని యూట్యూబ్ చెప్పింది.
