అవస్త్‌తో అవస్థలే
మదర్బోర్డ్, పీసీమ్యాగ్ సంస్థల స్టడీలో వెల్లడి
కంప్యూటర్లు, ఫోన్లను వైరస్ దాడి నుంచి కాపాడేవి యాంటీ వైరస్లు. కానీ, ఆ యాంటీ వైరస్ కంపెనీలే మన డేటాను అమ్మేసుకుంటే..? అదే జరిగిందని తేలింది మదర్బోర్డు, పీసీమ్యాగ్ అనే రెండు కంపెనీల స్టడీలో. అవును, అవస్త్ అనే యాంటీ వైరస్ సంస్థ తన కస్టమర్ల డేటా అమ్ముకుంటున్నట్టు తేలింది. ప్రపంచవ్యాప్తంగా దాదాపు 43.5 కోట్ల మంది అవస్త్ యూజర్ల డేటా మైక్రోసాఫ్ట్, గూగుల్, హోమ్ డిపో, పెప్సీ వంటి కంపెనీల చేతికి వెళ్లిందని తేలింది. అవే కాదు, చాలా చిన్నాపెద్దా కంపెనీలకు జంప్షాట్ అనే సబ్సిడరీతో ఆ వివరాలు ఇచ్చినట్టు తేలింది. ఎప్పుడెప్పుడు ఏమేం చేశారు, ఏం చూశారు, ఏయే లొకేషన్లో ఉన్నారు వంటి వివరాలన్నింటినీ అవస్త్ బేరం పెట్టేసిందట. అంతేకాదు, పోర్న్వెబ్సైట్స్ చూసిన డేటా కూడా వాటికిచ్చేసిందట. లాగిన్ టైం, సైట్ చూసిన టైం, చూసిన వీడియోలు, ఆయా సైట్లలో యూజర్లు అడిగిన ప్రశ్నల వంటి వివరాలూ కంపెనీల చేతుల్లోకి పోయాయట. అయితే, యూజర్ పేర్లను మాత్రం కంపెనీలకు ఇవ్వలేదని చెబుతున్నారు. వాళ్లకు ఇచ్చిన డేటాతో యూజర్ ఎవరన్నది ఈజీగా తెలుసుకోవచ్చని కొందరు సైబర్ నిపుణులు చెబుతున్నారు. న్యూయార్క్కు చెందిన ఓమినికామ్ అనే మీడియా కంపెనీ 45 లక్షల డాలర్లు (సుమారు రూ.32 కోట్లు) పెట్టి యూజర్ల డేటాను తీసుకుందట. స్వయంగా ఓమినికామ్ ఆ వివరాలను వెల్లడించింది. థర్డ్ పార్టీ ప్రొవైడర్ల సహకారంతో యూజర్ల డేటా తీసుకుంటూ ఉంటామని హోమ్ డిపో సహా కొన్ని కంపెనీలు చెప్పాయి. మైక్రోసాఫ్ట్, గూగుల్లు దీనిపై స్పందించలేదు.
For More News..
