హైదరాబాద్, వెలుగు : డిజిటల్ ఇంజనీరింగ్‌ కంపెనీ సిగ్నిటీ టెక్నాలజీస్, యూకేకు చెందిన యాప్ బేస్డ్ బ్యాంక్ ఆటమ్లకు ‘టెస్టింగ్ టీమ్ ఆఫ్ ది ఇయర్’ అవార్డు దక్కింది. లండన్‌‌‌‌‌‌‌‌‌‌లో జరిగిన యూరోపియన్ సాఫ్ట్‌‌‌‌వేర్ టెస్టింగ్ అవార్డ్స్ (టెస్టా)లో వీటికి ఈ గౌరవం దక్కింది. సిగ్నిటీ భాగస్వామ్యంతో ఆటమ్ బ్యాంక్ కూడా మూడు విభాగాల్లో ఫైనలిస్ట్‌‌‌‌గా ఎంపికయింది.
ఇవి: ‘బెస్ట్ టెస్ట్ ఆటోమేషన్ ప్రాజెక్ట్ - ఫంక్షనల్’, ‘టెస్టింగ్ టీమ్ ఆఫ్ ది ఇయర్’, ‘మోస్ట్ ఇన్నోవేటివ్ ప్రాజెక్ట్’. సాఫ్ట్‌‌‌‌వేర్ టెస్టింగ్, క్వాలిటీ అస్యూరెన్స్ స్పేస్‌‌‌‌లో గణనీయమైన విజయాలు సాధించిన కంపెనీలకు, వ్యక్తులకు ఈ అవార్డులు ఇస్తారు. తమ టీమ్ బాగా పనిచేయడం వల్ల, సమస్యలను పరిష్కరించే స్కిల్స్ను పెంచుకోవడం వల్ల ఈ అవార్డు వచ్చిందని సిగ్నిటీ టెక్నాలజీస్ సీఈఓ చక్కిలం శ్రీకాంత్ అన్నారు. ఆటమ్ బ్యాంకు సీటీఓ ఆండీ స్టరక్ మాట్లాడుతూ తమ 4.5 బిలియన్ పౌండ్ల విలువైన డిపాజిట్లు, 4.7 ట్రస్ట్పైలట్ రేటింగ్ఉందని అన్నారు.
