- కలెక్టర్ ఇలా త్రిపాఠి
ములుగు, వెలుగు : విద్యార్థులు ఉన్నత లక్ష్యాలను పెట్టుకొని, వాటి కోసం కృషి చేయాలని కలెక్టర్ ఇలా త్రిపాఠి సూచించారు. కలెక్టరేట్ కార్యాలయంలో టెన్త్, ఇంటర్మీడియట్ ఫలితాల్లో ఉత్తమ ప్రతిభ కనబర్చిన విద్యార్థులకు ఎస్పీ పి.శబరీశ్, అడిషనల్ కలెక్టర్ శ్రీజతో కలిసి కలెక్టర్ అవార్డులు అందజేశారు. చదువుల్లో రాణిస్తే సమాజంలో మంచి గౌరవం పొందుతారన్నారు.
అనంతరం విద్యార్థులను శాలువాలతో సన్మానించారు. ఈ కార్యక్రమంలో ఆర్డీఓ సత్యపాల్ రెడ్డి, జిల్లా ఇంటర్మీడియట్ అధికారి వెంకటేశ్వర్లు, డీఈఓ పాణిని, జిల్లా మైనారిటీ అధికారిని ప్రేమలత పాల్గొన్నారు.
