రాష్ర్ట ప్రభుత్వం ప్రతిష్టాత్మకంగా చేపట్టిన స్వచ్ఛదనం–పచ్చదనం కార్యక్రమంలో భాగంగా పరిశుభ్రత, పచ్చదనంపై అధికారులు, ప్రజాప్రనిధులు అవగాహన కల్పిస్తున్నారు. వరంగల్ జిల్లా పర్వతగిరి మండలం కొంకపాక, పర్వతగిరి పట్టణ కేంద్రంలో నిర్వహించిన కార్యక్రమంలో జడ్పీసీఈవో, వరంగల్ ఇన్చార్జి డీపీవో రాంరెడ్డి పాల్గొని, హైస్కూల్ ఆవరణ, ఎంపీడీవో ఆఫీస్ ఆవరణలో మొక్కలు నాటి, స్టూడెంట్లకు కార్యక్రమంపై అవగాహన కల్పించారు. వర్ధన్నపేట మండలం ఇల్లంద గ్రామంలో కలెక్టర్సత్యశారదాదేవి పాల్గొని పాఠశాల ఆవరణలో మొక్కలు నాటి, గ్రామంలో పర్యటిస్తూ పరిశుభ్రతపై అవగాహన కల్పించారు.
మహబూబాబాద్జిల్లా నెల్లికుదురు ప్రభుత్వ జూనియర్కాలేజ్లో స్థానిక ఎమ్మెల్యే భూక్యా మురళి నాయక్పాల్గొని మొక్కలు నాటారు. అనంతరం విద్యుత్శాఖ ఆధ్వర్యంలో నిర్వహించిన రైతు పొలంబాట కార్యక్రమంలో పాల్గొని కరెంట్సమస్యలు పరిష్కరించాలని అధికారులను ఆదేశించారు. హనుమకొండ జిల్లా శాయంపేట ప్రభుత్వ జూనియర్కాలేజ్ఆవరణలో భూపాలపల్లి ఎమ్మెల్యే గండ్ర సత్యనారాయణ కార్యక్రమంలో భాగంగా మొక్కలు నాటి, అంబేద్కర్ సెంటర్లో రోడ్లను ఊడ్చారు. జనగామ మున్సిపల్పరిధిలోని 22వ వార్డులో అడిషనల్కలెక్టర్పింకేశ్కుమార్పాల్గొని కార్యక్రమాన్ని పర్యవేక్షించారు.
