న్యూఢిల్లీ: ప్రైవేట్ రంగ యాక్సిస్ బ్యాంకు జూన్ 2024 క్వార్టర్లో నికర లాభం 4 శాతం పెరిగి రూ. 6,035 కోట్లకు చేరుకుంది. ప్రధానంగా అధిక వడ్డీ ఆదాయం కారణంగా లాభం పెరిగింది. 2023-–24 ఏప్రిల్–-జూన్ క్వార్టర్లో దీని స్టాండ్లోన్ నికర లాభం రూ. 5,797 కోట్లు ఉంది. మొదటి క్వార్టర్లో వడ్డీ ఆదాయం రూ.25,556.77 కోట్ల నుంచి రూ.30,060.73 కోట్లకు పెరిగిందని రెగ్యులేటరీ ఫైలింగ్లో బ్యాంకు పేర్కొంది.
తాజా క్వార్టర్లో దాని మొత్తం ఆదాయం రూ. 35,844.22 కోట్లుగా ఉండగా, ఏడాది క్రితం రూ. 30,644 కోట్లు వచ్చాయి. 2023 మొదటి క్వార్టర్లో గ్రాస్ఎన్పీఏలు 1.96 శాతం ఉండగా, 2024 జూన్ క్వార్టర్లో ఇవి 1.54 శాతానికి మెరుగుపడ్డాయి. నెట్ ఎన్పీఏ జూన్ 2023లో 0.41 శాతం నుంచి ఈసారి 0.34 శాతానికి మెరుగుపడ్డాయి.
