న్యూఢిల్లీ: అజిత్రోమైసిన్, ఇబుప్రోఫెన్ వంటి 900 రకాల డ్రగ్స్ ధరలను పెంచామని నేషనల్ ఫార్మాస్యూటికల్ ప్రైసింగ్ అథారిటీ (ఎన్పీఏ) ప్రకటించింది. ధరల పెంపు 1.74 శాతం వరకు ఉంటుందని తెలిపింది. ఈ జాబితాలో ఇన్ఫెక్షన్లు, గుండె జబ్బులు, షుగర్కు సంబంధించిన మందులు ఉన్నాయి. ఈ షెడ్యూల్డ్ మందుల సీలింగ్ ధరలను టోకు ధర ల సూచిక(డబ్ల్యూపీఐ) ఆధారంగా మార్చారు.
2024–25 ఆర్థిక సంవత్సరానికి షెడ్యూల్డ్ మందుల సీలింగ్ ధరలు గత ఏప్రిల్ 0.00551 శాతం పెంచామని కేంద్ర రసాయనాలు, ఎరువుల శాఖ సహాయ మంత్రి అనుప్రియా పటేల్ లోక్‌‌సభలో రాతపూర్వక సమాధానంలో తెలిపారు. రసాయనాలు, ఎరువుల మంత్రిత్వ శాఖ ఆధ్వర్యంలోని ఎన్పీఏ, డబ్ల్యూపీఐ ఆధారంగా ప్రతి సంవత్సరం ముఖ్యమైన మందుల ధరలను సవరిస్తుంది. ధరల పెంపునకు కేంద్రం నుంచి ముందస్తు అనుమతి అవసరం లేదు.
