- మరో నలుగురుకి తీవ్ర గాయాలు
- విహారయాత్రకు వెళ్లొస్తుండగా విషాదం
దేవరకొండ( నేరేడుగొమ్ము ),వెలుగు : స్నేహితులంతా విహారయాత్రకు వెళ్లగా అది విషాదంతో ముగిసింది. నల్లగొండ జిల్లా నేరేడుగొమ్ము మండలం వైజాగ్ కాలనీ వద్ద గురువారం కారు బోల్తా పడిన ఘటనలో జి రాఘవేందర్ గౌడ్ (23) అనే బీ ఫార్మసీ స్టూడెంట్చనిపోయాడు. హైదరాబాద్ అబ్దుల్లాపూర్మెట్లోని బ్రిలియంట్ బీ ఫార్మసీ కాలేజీలో సెకండియర్చదువుతున్న రాఘవేందర్ గౌడ్ , మరో 10 మంది ఫ్రెండ్స్ రెండు కార్లలో హైదరాబాద్ నుంచి మంగళవారం వైజాగ్ కాలనీకి విహారయాత్రకు వచ్చారు.
బుధవారం మధ్యాహ్నం వరకు అక్కడే సరదాగా గడిపి భోజనం చేశారు. తర్వాత కార్లలో తిరిగి హైదరాబాద్కు వస్తుండగా వైజాగ్ కాలనీ సమీపంలోని మూలమలుపు వద్ద రాఘవేందర్ గౌడ్ నడుపుతున్న కారు బోల్తా పడింది. దీంతో అతడు అక్కడికక్కడే మృతి చెందాడు. మృతుడి స్వగ్రామం గద్వాల. ఇదే కారులో ప్రయాణిస్తున్న సంగారెడ్డి పట్టణానికి చెందిన ఎండీ సోహైల్, సుశీల్, హుజూర్నగర్కు చెందిన మహేశ్, కొత్తగూడానికి చెందిన కిరణ్ తీవ్రంగా గాయపడ్డారు. వీరిని దేవరకొండ ప్రభుత్వ దవాఖానకు తరలించారు. ఏఎస్ఐ శ్రీనివాస్ రెడ్డి కేసు నమోదు చేసుకుని దర్యాప్తు చేస్తున్నారు.
