కొడిమ్యాల, వెలుగు: రానున్న రోజుల్లో రాష్ట్రంలో మైక్రో ప్లానింగ్ పథకాన్ని అమలు చేయనున్నట్లు ప్లానింగ్ బోర్డ్ వైస్ చైర్మన్ బి.వినోద్ కుమార్ తెలిపారు. బుధవారం కొడిమ్యాల మండలం నల్లగొండ శ్రీ లక్ష్మీనరసింహస్వామి ఆలయం నుంచి చొప్పదండి ఎమ్మెల్యే రవిశంకర్ ఎన్నికల ప్రచారాన్ని ప్రారంభించారు. ఈ సందర్భంగా వినోద్ కుమార్ మాట్లాడుతూ మైక్రో ప్లానింగ్పథకం ద్వారా రాష్ట్రంలోని ప్రతి వ్యక్తి అవసరాలను గుర్తించి, దానికి అనుగుణంగా సంక్షేమ, అభివృద్ధి పథకాలకు ప్లాన్చేయనున్నట్లు చెప్పారు.
కాగా ప్రచారంలో మెదటి రోజు ప్రజల నుంచి గృహలక్ష్మి, పింఛన్లు ఇవ్వాలని పలువురు వినతిపత్రాలు అందజేశారు. కార్యక్రమంలో ఎంపీపీ స్వర్ణలత, జడ్పీటీసీ ప్రశాంతి, సర్పంచులు మల్లేశం, మమత, లీడర్లు కృష్ణారావు, రాజనర్సింగ రావు పాల్గొన్నారు.
