హైదరాబాద్, వెలుగు: అసోసియేటెడ్ చాంబర్ ఆఫ్ కామర్స్ అండ్ ఇండస్ట్రీ ఆఫ్ ఇండియా (అసోచామ్), యూఏఈ ప్రభుత్వం, తెలంగాణ చాంబర్ ఆఫ్ కామర్స్ అండ్ ఇండస్ట్రీ సహకారంతో, బిజినెస్ టూ బిజినెస్(బీ2బీ) సమావేశాలను నిర్వహిస్తామని ప్రకటించింది.
‘‘యూఏఈ ద్వారా ప్రపంచవ్యాప్తంగా మీ వ్యాపారాన్ని విస్తరించడం” అనే అంశంపై ఈ నెల 22, 23 తేదీలలో ఉదయం 10 నుంచి సాయంత్రం 5 గంటల వరకు హైదరాబాద్లోని ఐటీసీ కాకతీయ హోటల్లో సమావేశాలు జరుగుతాయి.
వ్యాపార ప్రోత్సాహకాలు, సున్నా పన్నులు, కంపెనీ రిజిస్ట్రేషన్, మిడిల్ ఈస్ట్, ఆఫ్రికా, రష్యా, ఐరోపాలో వ్యూహాత్మక మార్కెట్లను చేరుకోవడంతోపాటు యూఏఈలో వ్యాపార అవకాశాలు, ప్రయోజనాల గురించి వివరిస్తారు. భారతీయ కంపెనీలు తమ కార్యకలాపాలను విదేశీ మార్కెట్లలోకి ఎలా విస్తరించుకోవచ్చో తెలియజేస్తారు. దీనికి హాజరు కావడానికి రిజిస్ట్రేషన్ చేసుకోవాలి.
