బాహుబలి(Bahubali) నిర్మాత శోభు యార్లగడ్డ(Shobu Yarlagadda) చేసిన ట్వీట్ టాలీవుడ్ లో దుమారం రేపుతోంది. తాజాగా ఆయన ఒక యంగ్ హీరోను ఉద్దేశిస్తూ సంచలన ట్వీట్ చేశారు. ఓ యంగ్ హీరో ఆటిట్యూడ్‌ వల్ల ఒక మంచి సినిమాను వదులుకున్నాడని ఆ ట్వీట్ లో పేర్కొన్నారు శోభు. తరువాత కాసేపటికి దానిని తొలగించారు. దీంతో నిర్మాత శోబు ప్రస్తావించిన ఆ యంగ్ హీరో ఎవరు..? ఆ హీరో వదులుకున్న సినిమా ఏమిటని నెటిజన్లు తెగ సెర్చ్ చేస్తున్నారు.
అసలు విషయం ఏంటంటే.. శోభు యార్లగడ్డ తన ట్వీట్‌లో.. "ఇటీవల సూపర్ సక్సెస్‌లో ఉన్న ఓ యంగ్ హీరో ఆటిట్యూడ్‌ వల్ల ఒక మంచి సినిమాను వదిలేసుకున్నాడు. మనం సక్సెస్ లో ఉన్నప్పుడు ఆ సక్సెస్ ను చాలా జాగ్రత్తగా హ్యాండిల్‌ చేయాలి. ఒక డెబ్యూ డైరెక్టర్ కథ చెప్పడానికి కనీస గౌరవం చూపలేదు ఆ హీరో. అలాంటి యాటిట్యూడ్ ఆ హీరో కెరీర్‌కు ఏమాత్రం మంచిది కాదు. త్వరలోనే ఈ విషయంపై రిలైజ్‌ అవుతాడని ఆశిస్తున్నాను అంటూ ట్వీట్ చేశారు.
అయితే ఆ హీరో ఎవరు అనేది మాత్రం ఆ ట్వీట్ లో మెన్షన్ చేయలేదు శోబు. అయితే ఈ ట్వీట్ చూసిన చాలా మంది విశ్వక్ సేన్(Vishwak sen) గురించే చేశారని కామెంట్స్ చేస్తన్నారు. ఆ దర్శకుడు కూడా మరెవరో కాదు బేబీ(Baby) సినిమాతో సూపర్ హిట్ అందుకున్న సాయి రాజేష్(Sai Rajesh) అని కామెంట్స్ కూడా వినిపిస్తున్నాయి. మరి దీనిపై విశ్వక్ సేన్ ఎలా స్పందిస్తారో చూడాలి.
