బాబాలు..సాధువులు.. సన్యాసులు..అఖాడాలు అంటే ఆధ్యాత్మిక చింతనతో గడుపుతుంటారు. కుంభమేళా లాంటి కార్యక్రమాలు జరిగినప్పుడు మాత్రమే వారు బయట ప్రపంచానికి కనపడతారు. మిగతా రోజుల్లో హిమాలయాల్లో తపస్సు చేసుకుంటూ కాలం గడుపుతారని చెబుతుంటారు..
ఉత్తరప్రదేశ్ ప్రయాగ్ రాజ్ లో ఇప్పటికే ప్రారంభమైన ఫిబ్రవరి 26 వరకు కుంభమేళా జరుగుతుంది. ఈ కార్యక్రమానికి బాబాలు,, అఖాడాలు.. సాధువులు భారీ సంఖ్యలో వచ్చారు. ఆధ్యాత్మిక చింతనతో గడపాల్సిన బాబాలు క్రికెట్ బ్యాట్ పట్టి ఔరా అనిపించారు. ఇక నెటిజన్లు ఊరుకుంటారా.. వెంటనే సెల్ ఫోన్ లో వీడియో రికార్డ్ చేసి సోషల్ మీడియాలో పోస్ట్ చేశారు.
महाकुंभ में बाबा लोग फुर्सत में क्रिकेट खेलते हुए pic.twitter.com/MCHKHFn0h9
— 🇮🇳Jitendra pratap singh🇮🇳 (@jpsin1) February 5, 2025
కుంభమేళాలో వైరల్ బాబాలు ఎక్కువయ్యారు. ఇప్పటి వరకు వివిధ రకాలుగా జనాల దృష్టిని ఆకర్షించిన బాబాలు.. మరో అడుగు వేపి ఈ సారి క్రికెట్ ఆడుతూ వైరల్ అయ్యారు. బాబాలు క్రికెట్ ఆడుతున్న వీడియో ఇంటర్నెట్ లో వైరల్ గా మారింది. జితేంద్ర ప్రతాప్ సింగ్ (@jpsin1) X లో షేర్ చేసిన వీడియోలో కుంభమేళాలో బాబాలు సాంప్రదాయ దుస్తులు ధరించి.. క్రికెట్ ఆడుతూ సిక్స్‌లు మరియు ఫోర్లు కొడుతూ కుంభమేళాకు వచ్చిన భక్తులను ఆకర్షించారు. కుంభమేళాలో తమ ఖాళీ సమయంలో బాబాలు క్రికెట్ ఆడుతున్నారు.. అనే క్యాప్షన్‌తో వీడియో పోస్ట్ చేయబడింది. ఈ వీడియో వైరల్ కావడంతో వేల సంఖ్యలో వీక్షించారు. అంతేకాదు నెటిజన్లు కామెంట్ చేశారు.
ALSO READ | Astrology: ఫిబ్రవరి 11న కుంభరాశిలో బుధుడు .. శని కలయిక .. ఏ రాశి వారికి ఎలా ఉంటుందంటే..
దీనికంటే అందమైన చిత్రం ఏముంటుందని ఒకరు కామెంట్ బాక్స్ లో రాయగా... మరొకరు ప్రజలంతా ఎక్కడికి వెళ్లారు..అంతా ఖాళీగా ఉందని మరొకరు రాశారు. ఇంకొకరు మహా కుంభమేళాలో మహా కుంభ్ నాగ లీగ్ జరుగుతుంది సోదరా అని చమత్కారంగా రాశారు. మొత్తానికి క్రికెట్ బ్యాట్ ను బాబాలు పట్టి గల్లీ క్రికెట్ కాస్త బాబా క్రికెట్ గా మారింది. ఇప్పటికే ప్రపంచ వ్యాప్తంగా అనేక మంది బాబాలుగా మారిపోతున్న అనేక కథనాలు మీడియాలో వెలువడ్డాయి. త్వరలో క్రికెట్ బాబా కూడా వస్తారేమో చూడాలి.. మరి..
