టాలీవుడ్ యంగ్ హీరో ఆనంద్ దేవరకొండ(Anand Deverakonda) హీరోగా వచ్చిన బేబీ మూవీ ఇండస్ట్రీ హిట్ అయినా విషయం తెలిసిందే.చిన్న సినిమాగా వచ్చి కలెక్షన్స్ విషయంలో బాక్సాపీస్ వద్ద సత్తా చాటింది. లేటెస్ట్ గా ఆనంద్ దేవరకొండ మరో మూవీతో థ్రిల్ చేయడానికి రెడీ అయ్యారు.
ప్రసెంట్ గం గం గణేశా(Gamgamganesha) అనే మూవీలో నటిస్తున్నారు.డెబ్యూ డైరెక్టర్ ఉదయ్ శెట్టి డైరెక్ట్ చేస్తున్న ఈ మూవీ క్రైమ్ యాక్షన్ థ్రిల్లర్గా రాబోతుంది. ఈ మూవీని నవంబర్ లో రిలీజ్ చేయడానికి మేకర్స్ ప్లాన్ చేస్తున్నట్టు సమాచారం. వచ్చే నెల (సెప్టెంబర్) లోగా ఈ మూవీ షూటింగ్ కంప్లీట్ చేసి, అక్టోబర్ వరకు పోస్ట్ ప్రొడక్షన్ వర్క్ కంప్లీట్ అవుతుందని తెలుస్తుంది. వినాయక చవితి స్పెషల్ గా ఈ మూవీ నుంచి అప్డేట్ రానున్నట్లు టాక్ వినిపిస్తోంది. ఈ మూవీకి మెలోడీ మ్యూజిక్ డైరెక్టర్ చైతన్య భరద్వాజ్ స్వరాలూ అందిస్తున్నారు.
ఇప్పటికే ఈ మూవీ నుంచి రిలీజ్ చేసిన పోస్టర్ చాలా ఇంటెన్సివ్ గా కనిపిస్తోంది. పగిలిన కళ్లద్దాలు, నోట్లో సిగరెట్, తలకు బ్యాండేజ్‌‌తో ఉన్న ఆనంద్ దేవరకొండ కొత్త క్యారెక్టర్‌‌‌‌లో డైరెక్టర్ ప్రజెంట్ చేస్తున్నారు. దొరసాని, మిడిల్‌‌క్లాస్ మెలొడీస్, పుష్పకవిమానం,బేబీ మూవీలో చాలా సాఫ్ట్ గా కనిపించిన ఆనంద్..ఈ సినిమాతో తనలోని మాస్ యాంగిల్ ను చూపిస్తున్నట్టు టాక్.
బేబీ మూవీ హిట్ అవ్వడంతో సక్సెస్ ట్రాక్ లో ఉన్న ఆనంద్..మాస్ హీరోగా రాణిస్తాడో..లేదో చూడాలి మరి. గం గం గణేశా మూవీని హై-లైఫ్ ఎంటర్టైన్ మెంట్ పతాకంపై కేదార్ సెలగంశెట్టి, వంశీ కారుమంచి ఈ చిత్రాన్ని నిర్మిస్తున్నారు.
