మంగపేట , వెలుగు : ములుగు జిల్లా మంగపేట మండలంలోని ప్రముఖ గిరిజనుల ఆరాధ్యదైవం శ్రీ నాగులమ్మ ( సుంకు పండుగ ) మినీ జాతర పోస్టర్ ను సోమవారం ఆలయ ధర్మకర్త బాడిశ రామకృష్ణ అవిష్కరించారు. మండలంలోని రాజుపేట గ్రామ పంచాయతీ పరిధిలోని లక్ష్మీ నర్సాపూర్ గ్రామంలో రమేశ్ అధ్యక్షతన ఆలయ పూజారులు, వడ్డేలతో మినీ జాతర పై ప్రత్యేక సమావేశం నిర్వహించారు.
జాతర మార్చి 26 నుంచి 29 వరకు నిర్వహిస్తున్నట్లు తెలిపారు. ప్రజలు అధిక సంఖ్యలో హాజరై విజయవంతం చేయాలని ఆయన కోరారు. ఈ సమావేశంలో ఆలయ ప్రధాన పూజారి బాడిశ నాగ రమేశ్, నవీన్, ముగబోయిన శివ, సోడి శ్రీను, వడ్డెలు మడకం లక్ష్మయ్య, కుర్సంపుల్లయ్య, కట్టం సమ్మక్క పాల్గొన్నారు.
