- గత ఎన్నికల్లో జగన్ కు 90,110 ఓట్ల మెజారిటీ
- డాక్టర్ సుధకు 90,550 ఓట్ల మెజారిటీ
- జగన్ కంటే డాక్టర్ సుధకు మెజారిటీ 440 ఓట్లు ఎక్కువ
కడప: బద్వేలు అసెంబ్లీ నియోజకవర్గానికి జరిగిన ఉప ఎన్నికలో అధికార వైసీపీ పార్టీ అభ్యర్థి డాక్టర్ దాసరి సుధ భారీ మెజారిటీతో గెలుపొంది రికార్డు సృష్టించారు. గత సాధారణ ఎన్నికల్లో ముఖ్యమంత్రి వైఎస్ జగన్ మోహన్ రెడ్డి సాధించిన భారీ మెజార్టీ రికార్డ్‌ను బద్దలు కొట్టారు. ఇదే జిల్లాలోని పులివెందుల నుంచి పోటీ చేసిన వైఎస్ జగన్.. తెలుగుదేశం పార్టీ అభ్యర్థిగా బరిలోకి దిగిన సతీష్ కుమార్ రెడ్డిపై 90,110 ఓట్ల భారీ మెజార్టీతో విజయం సాధించి రికార్డు సృష్టించారు. ఈ రికార్డ్‌ను ఇదే జిల్లాకు చెందిన బద్వేలు వైసీపీ అభ్యర్థి డాక్టర్ సుధ బ్రేక్ చేశారు. జగన్ కంటే డాక్టర్ సుధకు 440 ఓట్ల మెజారిటీ ఎక్కువగా వచ్చింది. వైసీపీ అభ్యర్థి డాక్టర్ సుధకు మొత్తం 1,12,211 ఓట్లు రాగా.. బీజేపీకి 21,678 ఓట్లు, కాంగ్రెస్‌కు 6,235ఓట్లు, నోటాకు 3635 ఓట్లు పోలయ్యాయి. మొత్తం మీద వైసీపీ అభ్యర్థి 90,550 ఓట్ల (76.25శాతం) భారీ మెజార్టీతో చారిత్రక విజయం సాధించడం విశేషం. ఏకగ్రీవం కావాల్సిన ఈ ఎన్నికను కాంగ్రెస్ పార్టీ కారణంగా ఎన్నిక జరగడంతో వైసీపీ పార్టీ సత్తా మరోసారి రుజువైందంటూ పార్టీ నాయకులు, కార్యకర్తలు సంబరాలు చేసుకుంటున్నారు.
రౌండ్ల వారీగా పార్టీలకు పోలైన ఓట్లు వివరాలు ఇలా ఉన్నాయి
రౌండ్లు వైసీపీ బీజేపీ కాంగ్రెస్
1 రౌండ్ 10,478 1688 580
2వ రౌండ్ 10,570 2270 634
3వ రౌండ్ 10,184 2305 598
4వ రౌండ్ 9,867 2241 491
5వ రౌండ్ 11,783 17971 575
6వ రౌండ్ 11,383 1940 531
7వ రౌండ్ 10,726 1924 841
8వ రౌండ్ 9,691 1964 774
9వ రౌండ్ 11,354 2839 493
10వ రౌండ్ 10052 1554 449
11వ రౌండ్ 5,139 984 223
12వ రౌండ్ 483 54 14
13వ రౌండ్ 362 40 12
