న్యూఢిల్లీ: ఇక నుంచి కూడా బైజూస్సీఈఓను తానేనని, కంపెనీ నిర్వహణలో ఎలాంటి మార్పూ ఉండబోదని బైజు రవీంద్రన్ ఉద్యోగులకు నోట్ రాశారు. తనకు వ్యతిరేకంగా శుక్రవారం నిర్వహించి అసాధారణ సర్వసభ్య సమావేశం (ఈజీఎం) ఒక ‘ఫార్స్’ అని అన్నారు.
రవీంద్రన్, ఆయన కుటుంబ సభ్యులను తొలగించాలంటూ వాటాదారులు ఈజీఎంలో ఏకగ్రీవంగా ఓటు వేశారు. ఫౌండర్లు లేనప్పుడు నిర్వహించిన ఈజీఎంలో తీసుకునే నిర్ణయాలకు విలువ ఉండదని ఆయన స్పష్టం చేశారు. వాటాదారులు చాలా ముఖ్యమైన నిబంధనలను ఉల్లంఘించారని రవీంద్రన్ ఆరోపించారు.
