యాదాద్రి, వెలుగు : ట్రిపుల్ ఆర్ ఆందోళనకారులకు భువనగిరి జిల్లా సెషన్స్ కోర్టు సోమవారం బెయిల్ మంజూరు చేసింది. 13న నల్గొండ జిల్లా జైలు నుంచి విడుదల కానున్నారు. జైల్లో ఉన్న నలుగురు, అజ్ఞాతంలో ఉన్న బీజేపీ స్టేట్ లీడర్ గూడూరు నారాయణరెడ్డి, తంగెళ్లపల్లి రవికుమార్ బెయిల్ ఇప్పించడానికి అడ్వకేట్లు నరేంద్ర ప్రసాద్, సూదగాని రవికుమార్ ప్రయత్నించారు.
దీంతో నల్గొండ జైల్లో ఉన్న నలుగురికి 14 రోజులకు బెయిల్ లభించడంతో పాటు గూడూరు నారాయణరెడ్డి, రవికుమార్కు భువనగిరి జిల్లా సెషన్స్ కోర్టు ముందస్తు బెయిల్ మంజూరు చేసింది. కాగా, ట్రిపుల్ఆర్ అలైన్మెంట్ మార్చేంతవరకూ ఆందోళన కొనసాగిస్తామని బీజేపీ స్టేట్ లీడర్ గూడూరు నారాయణరెడ్డి చెప్పారు. ఆందోళనకారులపై నాన్ బెయిలబుల్ కేసులు నమోదు చేసి జైలుకు పం పినా.. భువనగిరి ఎమ్మెల్యే పైళ్ల శేఖర్రెడ్డి స్పందించకపోవడం దారుణమన్నారు. ఎమ్మెల్యే శేఖర్రెడ్డికి ప్రజలు తగిన సమయంలో బుద్ధి చెప్తారని హెచ్చరించారు.
