ప్రపంచంలోనే మొట్టమొదటి సీఎన్జీ మోటార్‌ సైకిల్ -‘ఫ్రీడమ్ 125’ని ----బజాజ్ ఆటో రూ. 95వేల (ఎక్స్-షోరూమ్, ఇండియా) ప్రారంభ ధరకు విడుదల చేసింది. మొదటి దశలో ఇది మహారాష్ట్ర, గుజరాత్‌‌‌‌‌‌‌‌లలో అందుబాటులో ఉంటుంది. తదనంతరం ఇతర నగరాల్లో అమ్ముతారు. పూణేలో కేంద్ర రోడ్డు రవాణా, హైవేల మంత్రి నితిన్ గడ్కరీ సమక్షంలో, బజాజ్ ఆటో మేనేజింగ్ డైరెక్టర్ రాజీవ్ బజాజ్ ఆవిష్కరించారు. ఇందులో సీఎన్జీతోపాటు పెట్రోల్ ట్యాంక్ ఉంటుంది. కిలో సీఎన్జీకి ఇది 102 కిలోమీటర్ల మైలేజీ ఇస్తుంది.
