న్యూఢిల్లీ: నెదర్లాండ్‌లోని సబ్సిడరీ కంపెనీ బజాజ్ ఆటో ఇంటర్నేషనల్ హోల్డింగ్స్‌ బీవీలో రూ.1,364 కోట్లు ఇన్వెస్ట్ చేస్తామని బజాజ్ ఆటో ప్రకటించింది. ఈ సబ్సిడరీ 2023–24 లో రూ.19 కోట్ల టర్నోవర్ సాధించగా, రూ.5,488 కోట్ల వాల్యుయేషన్ పలుకుతోంది. ఈ కంపెనీ ఇన్వెస్ట్మెంట్‌ బిజినెస్‌లో ఉంది.
బజాజ్ ఆటో ఒకటి కంటే ఎక్కువ దశల్లో పెట్టుబడులు పెడుతుంది. వచ్చే ఏడాది మార్చి 31 వరకు పెట్టుబడులు పెడతామని ప్రకటించింది. బజాజ్ ఆటో షేర్లు శుక్రవారం సెషన్‌లో 1.44 శాతం తగ్గి రూ.8,506 దగ్గర ముగిశాయి.
