న్యూఢిల్లీ: బజాజ్ ఆటో సెప్టెంబరు 30, 2024తో ముగిసిన రెండవ క్వార్టర్లో పన్ను తర్వాత లాభం (పీఏటీ)31 శాతం క్షీణించి 1,385 కోట్లకు పడిపోయింది. గత ఆర్థిక సంవత్సరం జులై–-సెప్టెంబర్ కాలంలో కంపెనీ రూ. 2,020 కోట్ల పన్ను తర్వాత (నికరలాభం) ఏకీకృత లాభాన్ని ప్రకటించింది.
అయితే రెండో క్వార్టర్లో కార్యకలాపాల ద్వారా వచ్చిన మొత్తం ఆదాయం రూ. 10,838 కోట్లతో పోలిస్తే రూ. 13,247 కోట్లకు పెరిగింది. స్టాండెలోన్ ప్రాతిపదికన, కంపెనీ నికరలాభం గత ఆర్థిక సంవత్సరం రెండవ క్వార్టర్లో 1,836 కోట్లు కాగా, ఈసారి 9 శాతం వృద్ధితో రూ.2,005 కోట్లకు చేరింది.
