ఇండియా నుండి ఆర్ఆర్ఆర్(RRR) ఆస్కార్(Oscar) సాధించిన తరువాత ఇప్పుడు చాలా సినిమాలు ఆస్కార్ అవార్డు కోసం తమ సినిమాలను పంపించాలని ఆరాట పడుతున్నాయి. సినిమాలో కంటెంట్ ఉంటే అది ఏ సినిమా అయినా? ఏ భాష సినిమా అయినా ఆస్కార్ గెలిచే సత్తా ఉంటుంది. అందుకే చాలా మంది మేకర్స్ ఆ దారిలో అడుగులు వేస్తున్నారు.
ఇక రీసెంట్ గా షారుఖ్(Shah rukh khan) హీరోగా వచ్చిన సూపర్ హిట్ మూవీ జవాన్(Jawan) సినిమాను కూడా ఆస్కార్ కు పంపిస్తామని ఆ చిత్ర దర్శకుడు అట్లీ ప్రకటించారు. ఇక తాజాగా ఈ సారి ఇండియా నుండి ఆస్కార్ కు వెళుతున్న సినిమాల లిస్టులో మరో రెండు తెలుగు సినిమాకు చేరాయి. అందులో జబర్దస్త్ వేణు తెరకెక్కించిన బలగం సినిమా కాగా.. రెండవది శ్రీకాంత్ ఓదెల తెరకెక్కించిన దసరా మూవీ. ఈ రెండు సినిమాలు బాక్సాఫీస్ దగ్గర భారీ విజయాన్ని అందుకున్నాయి.
Also Read : నయనతార మూవీకి ఏ సర్టిఫికెట్.. షాక్లో ఫ్యామిలీ ఆడియన్స్
ముందుగా బలగం సినిమా విషయానికి వస్తే.. ఇది పక్కా కుటుంబ నేపథ్యం కథాంశంతో వచ్చిన మూవీ. ఈ సినిమా ప్రేక్షకుల చేత కన్నీళ్లు పెట్టించింది. మానవ సంబంధాలని చాలా చక్కగా, ఎంతో భావోద్వేగంగా చూపించారు. సినిమా చివర్లో మన మన బంధువులే మన బలగం అని, ఎన్ని గొడవలు వచ్చినా కలిసే ఉండాలనే మంచి సందేశాన్ని ఇచ్చింది ఈ సినిమా. అందుకే ఈ సినిమాను ఆస్కార్ కు పంపాలని నిర్ణయించారు మేకర్స్.
ఇక దసరా సినిమా కూడా ప్రేమ, స్నేహం అనే రెండు ఎమోషనల్ కాన్సెప్ట్ తో వచ్చింది. ఈ సినిమా కూడా ఆడియన్స్ చేత కన్నీళ్లు పెట్టించింది. సినిమాలో ఆర్టిస్టుల నటనకు ఆడియన్స్ ఫిదా అయిపోయారు. అందుకె సినిమా కూడా వంద కోట్ల వసూళ్లు రాబట్టి భారీ విజయాన్ని సాధించింది.
మరి ఈ రెండు సినిమాలు కూడా దేనికదే ప్రత్యేకంగా ఆస్కార్ బరిలో దిగనున్నాయి. రెండిటిలో లో ఏ సినిమాకు అవార్డు వాటిస్తుందో తెలియాలంటే వచ్చే ఏడాది వరకు ఆగాల్సిందే.
