గత ఏడాది జబర్దస్త్ ఫేమ్ కమెడియన్ మరియు డైరెక్టర్ వేణు దర్శకత్వంలో వచ్చిన బలగం సినిమా సూపర్ హిట్ అయ్యింది. అయితే ఈ సినిమా ఫ్యామిలీ & ఎమోషనల్ డ్రామా బ్యాక్ డ్రాప్ లో తెరకెక్కించడంతో ఫ్యామిలీ ఆడియన్స్ బాగా కనెక్ట్ అయ్యారు.
ఈ సినిమాలో కమెడియన్ మరియు హీరో ప్రియదర్శి, యంగ్ హీరోయిన్ కావ్య కళ్యాణ్ రామ్, మురళీధర్ గౌడ్, కోట జయరామ్, కేతరి సుధాకర్ తదితరులు నటించారు. తక్కువ బడ్జెట్ తో తెరకెక్కిన ఈ సినిమా దాదాపుగా రూ.50 కోట్లు (గ్రాస్) రాబట్టింది. దీంతో మొదటి ప్రయత్నంలోనే డైరెక్టర్ వేణు బలగంతో మంచి హిట్ అందుకున్నాడు.
అయితే ఈ సినిమాని జపాన్ లో కూడా రిలీజ్ చేస్తున్నట్లు డైరెక్టర్ వేణు సోషల్ మీడియా వేదికగా తెలిపాడు. ఇందులో భాగంగా బలగం సినిమాని జపనీస్ భాషలో డబ్బింగ్ చేసి నవంబర్ 15న జపాన్ లో రిలీజ్ కాబోతోందని, దీంతో తనకి చాలా సంతోషంగా ఉందని తెలిపాడు.
అయితే ఇప్పటివరకూ యంగ్ టైగర్ ఎన్టీఆర్, గ్లోబల్ స్టార్ రామ్ చరణ్, సూపర్ స్టార్ రజినీకాంత్ తదితర స్టార్ హీరోల సినిమాలు మాత్రమే జపనీస్ భాషలో డబ్బింగ్ తో రిలీజ్ అయ్యాయి. ఇప్పుడు బలగం కూడా ఈ లిస్టులో చేరబోతోంది.
