మక్తల్, వెలుగు: బీఆర్ఎస్ ఎమ్మెల్యే చిట్టెం రామ్మోహన్రెడ్డి ఓటమే లక్షంగా కాంగ్రెస్ పార్టీ నాయకులు, కార్యకర్తలు పని చేయాలని బీకేఆర్ఫౌండేషన్ అధినేత బాలకిష్టారెడ్డి కోరారు. శుక్రవారం పట్టణంలోని ఓ ఫంక్షన్హాల్లో కాంగ్రెస్ పార్టీ నాయకులు, కార్యకర్తలు అనుచరులతో ఆత్మీయ సమ్మేళనం నిర్వహించారు. కాంగ్రెస్ పార్టీ అభ్యర్థి వాకిటి శ్రీహరి పాల్గొన్నారు. ఈ సందర్భంగా ఆయన మాట్లాడుతూ కాంగ్రెస్ పార్టీకి శ్రీహరి 30 ఏండ్లుగా చేస్తున్న సేవలను గుర్తించి హైకమాండ్ టికెట్ కేటాయించిందన్నారు. అందరం అండగా నిలిచి నియోజకవర్గంలో కాంగ్రెస్ పార్టీ జెండా ఎగరేసి బహుమతిగా ఇద్దామన్నారు. 18 ఏండ్లుగా మక్తల్ నియోజకవర్గం ఎలాంటి అభివృద్ది సాధించలేదన్నారు.
ఇక్కడి ఎమ్మెల్యే ఇసుక, నల్ల మట్టి దందాలు,సెటిల్మెంట్లు చేసి రూ.100 కోట్లతో హైదరాబాద్లో ఇల్లు కట్టుకున్నాడని ఆరోపించారు. తాను బాగుడ్డాడే కాని నియోజకవర్గాన్ని ఏమాత్రం అభివృద్ది చేయలేదన్నారు. కేంద్ర నిధులతో హైవే, రైల్వేలైన్ వస్తే తానే చేసినట్లు చెప్పుకుంటున్నాడని విమర్శించారు. వాకిటి శ్రీహరి మాట్లాడుతూ నియోజకవర్గం అభివృద్ధికి నోచుకోలేదని, తనను గెలిపిస్తే నియోజకవర్గాన్ని డెవలప్ చేయడంతో పాటు కార్యకర్తలకు అండగా ఉంటానని తెలిపారు. మాన్వి రామారావు, గోపాల్ రెడ్డి, లక్ష్మారెడ్డి, రవికుమార్యాదవ్, గడ్డంపల్లి హన్మంతు, కోళ్ల వెంకటేశ్, గణేశ్కుమార్, గంగాధర్ గౌడ్, విష్ణువర్ధన్రెడ్డి, తాయప్ప పాల్గొన్నారు.
