నందమూరి బాలకృష్ణ టాలీవుడ్ ప్రముఖ డైరెక్టర్ బాబీ కొల్లి దర్శకత్వం వహిస్తున్న ఎన్బికే109 సినిమాలో హీరోగా నటిస్తున్నాడు. ఈ సినిమాని టాలీవుడ్ ప్రముఖ సినీ నిర్మాత సితార ఎంటర్టైన్ మెంట్స్ బ్యానర్ పై సూర్యదేవర నాగవంశీ నిర్మిస్తున్నాడు. ఇప్పటికే దాదాపుగా షూటింగ్ పూర్తీ చేసుకున్న ఈ సినిమాని వచ్చే ఏడాది సంక్రాంతికి రిలీజ్ చేసేందుకు చిత్ర యూనిట్ ప్లాన్ చేస్తున్నారు. కాగా ఇటీవలే ఎన్బికే109 సినిమా గ్లింప్స్ రిలీజ్ కాగా ఒక్కసారిగా ఈ సినిమాపై అంచనాలు పెరిగిపోయాయి. దీంతో టైటిల్ అలాగే టీజర్ ఎప్పుడెప్పుడా అని ఆసక్తిగా ఎదురుచూస్తున్నారు.
దీంతో చిత్ర యూనిట్ సోషల్ మీడియాలో ఎన్బికే109 టైటిల్ అలాగే టీజర్ అప్డేట్ ఇచ్చారు. ఇందులో భాగంగా నవంబర్ 15వ తారీఖున ఉదయం 10:24 గంటలకి టైటిల్, టీజర్ రిలీజ్ చేస్తున్నట్లు అధికారికంగా అనౌన్స్ చేశారు. ఈ విషయానికి సంబందించి బాలయ్యబాబు కత్తి, గన్ పట్టుకున్న పవర్ఫుల్ పోస్టర్ ని షేర్ చేశారు. ఈ పోస్టర్ లో సంక్రాంతికి రిలీజ్ చేస్తున్నట్లు హింట్ ఇచ్చారు. దీంతో బాలయ్య అభిమానులు పండుగ చేసుకుంటున్నారు. అలాగే సంక్రాంతికి బ్లాక్ బస్టర్ హిట్ తప్పదని ఫాన్స్ అంటూ కామెంట్లు చేస్తున్నారు.
ALSO READ | పవన్ తో సినిమా చేద్దామనుకున్నాం. కానీ కుదర్లేదు: రామ్ తాళ్లూరి
ఈ విషయం ఇలా ఉండగా ఈ ఏడాది పరమౌఖ డైరెక్టర్ గోపిచంద్ మలినేని దరెక్ట్ చేసిన వీర సింహా రెడ్డి సినిమాలో బాలకృష్ణ హీరోగా నటించాడు. ఈ సినిమా సంక్రాంతికి రిలీజ్ కాగా బ్లాక్ బస్టర్ హిట్ అయ్యింది. అలాగే దాదాపుగా రూ.150 కోట్లు (షేర్) కలెక్ట్ చేసింది. దీంతో మరోసారి ఎన్బికే109 సినిమాతో సంక్రాంతి బరిలో దిగనున్నాడు బాలయ్య బాబు.
