టాలీవుడ్ స్టార్ హీరో నందమూరి బాలకృష్ణ ప్రస్తుతం ప్రముఖ డైరెక్టర్ బాబీ కొల్లి డైరెక్షన్ లో వస్తున్న ఎన్బికే109 సినిమాలో హీరోగా నటిస్తున్నాడు. ఈ సినిమా ఇప్పటికే దాదాపుగా 80% శాతం షూటింగ్ పూర్తి చేసుకుంది. ఈ సినిమాని ప్రముఖ సినీ నిర్మాత సూర్యదేవర నాగవంశీ సితార ఎంటర్టైన్ మెంట్స్ బ్యానర్ పై నిర్మిస్తున్నాడు.
ఆమధ్య ఎన్బికే109 సినిమా నుంచి పవర్ఫుల్ గ్లింప్స్ రిలీజ్ కాగా మంచి రెస్పాన్స్ వచ్చింది. దీంతో ఈ టీజర్ ఎప్పుడెప్పుడూ వస్తుందా అని బాలయ్యబాబు ఫ్యాన్స్ ఆసక్తిగా ఎదురుచూస్తున్నారు. ఇటీవలే ప్రొడ్యూసర్ నాగవంశీ ఎన్బికే109 టీజర్ పై స్పందిస్తూ దీపావళి పండుగకి టైటిల్ తో పాటూ, టీజర్ అప్డేట్ కూడా ఇస్తామని చెప్పాడు. కానీ అనుకోని కారణాలవల్ల సాధ్యం కాలేదు.
Also Read : నాని కొత్త సినిమా టైటిల్ లీక్
అయితే టాలీవుడ్ సినీ వర్గాల సమాచారం ప్రకారం నవంబర్ 15న ఎన్బికే109 టీజర్ రాబోతున్నట్లు తెలుస్తోంది. ఈ టీజర్ పవర్ఫుల్ యాక్షన్ సన్నివేశాలతో ఫుల్ ప్యాక్ ఎంటర్టైనర్ గా ఉండనున్నట్లు సమాచారం. యాక్షన్ ఎంటర్టైనర్ బ్యాక్ డ్రాప్ లో తెరకెక్కుతున్న ఈ సినిమా వచ్చే ఏడాది సంక్రాంతి బరిలో దిగబోతున్నట్లు తెలుస్తోంది. దీంతో బాలయ్య అభిమానులు పండగ చేసుకుంటున్నారు.
ఈ విషయం ఇలా ఉండగా ప్రస్తుతం బాలకృష్ణ ప్రముఖ డైరెక్టర్ బోయపాటి శ్రీను డైరెక్ట్ చేస్తున్న అఖండ 2 సినిమాలో కూడా హీరోగా నటిస్తున్నాడు. ఈ సినిమా కూడా ఇటీవలే ప్రారంభం అయ్యింది.
