ఎన్టీఆర్ జీవితాన్ని పాఠ్యాంశంగా చేర్చాలన్నారు టీడీపీ ఎమ్మెల్యే నందమూరి బాలకృష్ణ. ఎన్టీఆర్ జయంతి సందర్భంగా ఎన్టీఆర్ ఘాట్ లో నివాళులర్పించారు బాలకృష్ణ. ఎన్టీఆర్ జీవిత మూలాలు భవిష్యత్ తరాలకు తెలియాల్సిన అవసరం ఉందన్నారు. ఎన్టీఆర్ పేదల పెన్నిది..ఆడపడుచులకు అన్న అని అన్నారు. ఈ సందర్బంగా మాట్లాడిన ఆయన..ఎన్టీఆర్ బతికుంటే ఆంధ్రరాష్ట్ర పరిస్థితి చూసి చలించిపోయేవారన్నారు. వనరులు లేకపోయినా చంద్రబాబు పాలన అద్భుతమన్నారు. జగన్ పాలనలో ఏపీ ప్రజలు తీవ్రంగా బాధపడ్తున్నారని.. ఎన్టీఆర్ స్పూర్తితో చంద్రబాబు నాయకత్వంలో టీడీపీని బలోపేతం చేస్తామన్నారు.
