డాకు మహారాజ్.. 'సినిమా సెట్లో ఉంటే విజృంభజన.. అదే షో వాకిట్లో ఉంటే నవ్వుల ఉప్పెన'. ఇపుడాలనే ఉంది అన్‍స్టాపబుల్ 4 కొత్త ప్రోమో. ఇప్పటివరకు ఈ కొత్త సీజన్ లో ఏడు ఎపిసోడ్స్ రిలీజై బజ్ క్రియేట్ చేశాయి. ఇక ఇప్పుడు రిలీజ్ చేసిన ఎనిమిదో ఎపిసోడ్ కొత్త ప్రోమో అంతకుమించి అనేలా అద్దిరిపోయింది. డాకు మహారాజ్ సినిమా చిత్ర యూనిట్ వచ్చి మస్త్ హంగామా చేసింది.
ఇక్కడ విశేషమేంటంటే బాలయ్య హోస్ట్ చేస్తున్న షోలో.. బాలయ్య హీరోగా చేసిన సినిమా ప్రమోషన్స్. భలే ఉంది కదు. ద‌ర్శ‌కుడు బాబీ, నిర్మాత నాగవంశీ, సంగీత ద‌ర్శ‌కుడు తమన్ అతిథులు వ‌చ్చారు. వీళ్ళతో బాలయ్య చేసే సందడి మాములుగా లేదు. ఏంటీ డైరెక్టర్ గారు చొక్కా మీద చొక్కా వేశారు అంటూ బాబీని ఆట పట్టించగా.. రష్మిక టాలీవుడ్ హీరో పెళ్లి గురించి నిర్మాత నాగ వంశీని అడిగి చమత్కరించారు.
ALSO READ | RAPO 22: ప్రేమతో ఈ కొత్త సంవత్సరం.. రామ్ పోతినేని కొత్త సినిమా అప్డేట్
అయితే.. టాలీవుడ్ హీరోతో రష్మిక పెళ్లి అనగానే.. అందరికీ గుర్తొచ్చేది విజయ్ దేవరకొండ. కొంతకాలంగా ఈ జోడీపై ప్రేమ రూమర్స్ బలంగా వినిపిస్తున్నాయి. ఇటీవలే వీరిద్దరూ కలిసి ముంబై విమానాశ్రయంలో కనిపించిన ఫొటోస్ బాగా వైరల్ అయ్యాయి. క్రిస్మస్, న్యూ ఇయర్ స్పెషల్ డేస్ ని కలిసి సెలబ్రేట్ చేసుకుంటున్నట్టు టాక్ వినిపిస్తూ వచ్చింది. ఇక తాజాగా బాలయ్య నిర్మాత నాగ వంశీతో అన్న ఒక్క మాటతో వీరిద్దరి పెళ్లి ఫిక్స్ అయినట్టే అని తెలుస్తోంది.
ప్రస్తుతం విజయ్ దేవరకొండ డైరెక్టర్ గౌతమ్ తిన్ననూరి తో VD 12 చేస్తున్నాడు. ఈ సినిమాను నిర్మాత నాగవంశీ నిర్మిస్తున్నాడు. కనుకే ఈ పెళ్లి ప్రశ్నను అతనితో పంచుకున్నట్టు అనిపిస్తుంది. ఏదేమైనా రష్మిక పెళ్లి టాలీవుడ్ హీరోతో అంటే.. గుర్తొచ్చేది విజయ్ దేవరకొండనే. కానీ, వీరెప్పుడు తమపై వస్తోన్న రూమర్స్ కి స్పందించకపోవడం గమనార్హం. ఆపై తమన్ ఇంటర్నేషనల్ స్టోరీస్ పై బాలయ్య ఆసక్తిగా మాట్లాడి జోష్ ఇచ్చాడు. ఈ ఫుల్ ఎపిసోడ్ శుక్రవారం జనవరి 3న, సాయంత్రం 7 గంటలకు ఆహాలో స్ట్రీమింగ్ కానుంది.
ఇకపోతే డాకు మహారాజ్ సినిమా జనవరి 12న ప్రేక్షకుల ముందుకు రానుంది. ఈ చిత్రంలో ప్రగ్యా జైస్వాల్, శ్రద్ధ శ్రీనాథ్ లు హీరోయిన్స్‌. బాబీ డియోల్ విల‌న్‌గా కనిపించ‌నున్నారు.
